3-Мавзу. Ялпи талаб-ялпи таклиф модели. Истеъмол, жамғариш ва инвестиция

3.7-чизма. Ишлаб чиқаришнинг ҳақиқий ва потенциал ҳажми ўртасидаги 
рецеессион узилиш. 
ЯИМ (ЯММ)ни тўлиқ бандлиликнинг ноинфляцион даражасига қадар ўстириш 
учун жами талаб (жами харажатлар) кўпайтирилиши зарур бўлган миқдор рецессион 
узилиш дейилади (7.3-чизма). 
Ишлаб чиқаришда тўлиқ бандликка эришиш ва рецессион узилишни йўқотиш учун 
жами талабни рағбатлантириш ва мувозанатни «А» нуқтадан «В» нуқтагача суриш 
лозим. Бу ерда мувозанатли ялпи даромаднинг ўсиши ΔУ қуйидагига тенг бўлади:
ΔУ = Рецессион узилиш миқдори * Автоном харажатлар мультипликатори миқдори
ЯИМни тўлиқ бандликнинг ноинфляцион даражасигача пасайтириш учун жами талаб 
(жами харажатлар) камайиши зарур бўлган миқдор 
инфляцион узилиш
дейилади.
 
 
ΔУ= - Инфляцион узилиш миқдори * Автоном харажатлар мультипликатори 
миқдори 
Кейнснинг макроиқтисодий мувозанат модели ялпи талаб- ялпи таклиф моделини 
қисқа муддатли макроиқтисодий сиёсат мақсадларида аниқлаштирган бўлиб, унинг 
хусусий ҳоли ҳисобланади. Ялпи талаб ва ялпи таклиф моделидан фарқли ўлароқ бу 
моделда баҳолар даражаси ва иш ҳақи ўзгармас миқдорлар ҳисобланади. Айни шу сабабга 
кўра товар моддий заҳираларининг ўсиши қисқа муддатда макроиқтисодий мувозанатга 
эришишни белгиловчи омил бўлади.