3-Mavzu: Marketing tamoyillari, funksiyalari va faoliyat sohalari. Reja

3. Marketing faoliyat sohalari

Marketing miqyosi - nihoyatda keshg. Uning jami maxsus faoliyatini bajarish majburiy, ammo ba’zan uning ayrim tomonlarida о‘zgaruvchanlik holatlari ham kо‘zga tashlanadi.

Marketing faoliyatining yana bir boshqa belgisi maqsadlar о‘zgarmagan holda ularning mazmuni miqiyos va faoliyat turlari nuqtai nazaridan muttasil yangilanib turishi mumkin. Yangi, takomillashgan ish usullari va an’anaviy faoliyatni amalga oshirirish yо‘llari uzluksiz ravishda ishlab chiqiladi.Shu sababli hozirgi marketing faoliyati kо‘lamini belgilash va uni tasniflashda turlicha qarashlar mavjud. S.V. Kandifor va P.P. Still, masalan, marketing faoliyatini faol ravishda tushunish usulini taklif etadilar. Ular marketing faoliyatining tо‘qqizta asosiy soha (vazifasi)ni kо‘rsatib о‘tadilar: 1) rejalashtirish va mahsulotni yaratish; 2) mahsulotning standart va navlarini belgilash; 3) mahsulot xaridi va uni guruhlashtirish; 4) sotish; 5) omborlarga joylash; 6) transport xizmati; 7) marketingfaoliyatini moliyalash; 8) xavf-xatar; 9) bozorga oid axborotlarni tо‘plash.
Rejalashtirish va mahsulotni yaratish faoliyatining joriy etilishi (birinchi faoliyat soha) masalani yanada zamonaviyroq tushunish, korxonaning e’tibor markazida turgan, moddiy boyliklar va xizmatlardan pirovardida bahramand bо‘luvchilarga nsbatan faol munosabatda bо‘lishini e’tirof etish demakdir.
Ikkinchi faoliyat sohasi shundan iboratki, bu tashkiliy birliklar iste’molchilar talabiga muvofiq keladigan, qabul qilingan texnikaviy kо‘rsatkichlarga javob beradigan mahsulot sifatini, standart yoki namunalarini belgilaydi.
Uchinchi faoliyat sohasi – mahsulotlarni xarid qilish va guruhlashtirishdan iboratdir. Mahsulot qayerda ishlab chiqarilganligi yoki qay darajada ixtisoslashuviga bog‘liо‘ bо‘lmagan holda uni pirovard iste’molchiga yetib borishiga qadar sotishga tayyorlashdan iborat. Bu vazifani har xil vositalar bajaradi, ammo ishlab chiqaruvchi ayrim vositachilarning ehtiyoj va fe’lini juda aniq bilishi lozim. Mahsulot tayyorlovchi bevosita xaridor darajasida fikrlashi zarur, aks holda u bozorni nazorat qila olmay qoladi.