3-mavzu: Korxonalarni loyihalashdagi umumiy holatlar va tushunchalar

Sexning ishlab chiqarish quvvati

Sexlarning yillik quvvati ishlab chiqarish liniyalarning quvvati, soni va mavsum davomiyligi bilan aniqlanadi. Zavodlar mavsumda uch smena, qish va baxor oylarida esa bir yoki ikki smenada ishlaydi. Mavsumning davomiyligi (ish smenalar soni) konsentrlangan pomidor mahsulotlari uchun 200-250, tomat sharbati 120-150, sabzavotli gazakbop konservalar 180-220 ko‘k no‘xat 60-75, butun xolda konservalangan pomidor 60-80, kompotlar 100-200, olma sharbati 100-200, uzum sharbati, yarimtayyor mahsulotlar 60-70 smenani tashqil etadi.

• Tayyorlangan mahsulotlar turli xil bo‘lib, har xil idishlarda ishlab chiqariladi. Rejalashtirish va hisobga olish maqsadida uni tonna yoki shartli banka orqali belgilanadi. Konserva zavodlarning quvvati ming shartli banka (ml.sh.b), million shartli banka (ml.sh.b) yoki tonna orqali ifodalanadi.
• Ko‘pgina konservalar uchun shartli bankaning hajmi 353 ml qabul qilingan. Bir shartli bankadagi mahulotning netto massasi uning turiga bog‘liq. Ishlab chiqarilgan mahsulotlarni shartli bankalar orqali belgilash uchun bankalarning (“fizik bankalar”) faktli sonining tegishli o‘tkazish koeffitsiyentiga ko‘paytiriladi.
• Sharbatlar, meva va sabzavot marinadlari, pomidor va mevali souslar, qand yoki qand qiyomida qaynatilgan mevali mahsulotlar uchun shartli banka sifatida 400 g netto qabul qilingan. Bunday xolatda shartli bankalar miqdorini aniqlash uchun mahsulot miqdorini (g) 400 bo‘linadi.

•