3-мавзу. Интерактив таълим методлари Режа

3-мавзу. Интерактив таълим методлари
Режа:

1. 
   Интерфаол таълим ва унинг узига хосликлари.
   
2. 
   Интерфаол таълим методлари таснифи.
   
3. 
   Ижодий топшириқлар.
   
4. 
   Кичик гурухларда ишлаш.
   
5. 
   Хамкорлик педагогикаси.
   

Фойдаланадиган адабиётлар:
1. Азизхужаева Н.Н. Педагогик технология ва педагогик маҳорат. - Т.: Фан,2006.
2. Йулдошев Ж.Г., Хасанов С. Педагогик технологиялар. Ўқув кулланма. –Т.: Иттисод-Молия, 2009. - 652 б.
3. Омонов Х.. ва б. Педагогик технология ва педагогик маҳорат. Магистратура мутахассисликлари учун дарслик.- Т.: Иқтисод-Молия, 2009. - 240 б.
4. Tajiev М., Ziyamuxamedov В., O'ralova М. Pedagogik tehnologiyа va pedagogik mahorat fanining o'quv mashgulotlarini loyihalash (Pedagogik tehnologiya milliy modelining amaliyotga tatbig'i)/ O'quv qo'llanma/ - Т.: «TAFAKKUR-BO’STONI», 2012.-224 b.
5. Электрон ўқув ресурслари


1. Интерфаол таълим ва унинг ўзига хосликлари
Интерфаол ўқитиш - талаба ўзида олдин мужассамлашган тажрибадан фойдалан-ган ҳолда, ўқув жараёнида фаол иштирок этади, машғулот давомида шахсий роль ўйнаб, янги тажрибалар орттиради, олган тажрибалари асосида дарсни таҳлил қилиб, ўзига керакли муҳим материалларни олади ҳамда ўзининг кундалик фаолияти билан боғлайди.
Интерфаол сўзи инглиз тилидан олинган бўлиб, “inter” – ўзаро (взаимный), “act”- фаолият қилмоқ (действовать) маъносини билдиради.
Интерфаоллик, бу ўзаро муносабатда бўлмоқ, диалог режимида ўқимоқ маъносини билдиради. Шу сабабли интерфаол ўқитиш-диалогли ўқитиш демакдир. Диалог анъана-вий ўқитиш услубларида ҳам мавжуд, жумладан “ўқитувчи-ўқувчи”, “ўқитувчи-ўқувчилар гуруҳи” кўринишида. Интерфаол ўқитишда эса диалог “ўқувчи-ўқувчи”, ўқувчи-ўқувчи-лар гуруҳи”, “ўқувчи-аудитория”, “ўқувчилар гуруҳи-аудитория” (гуруҳлар презентация-си), “ўқувчи-компьютер” каби кўринишларда ҳам бўлади. Ўқувчи маърузада фақат “пас-сив” тингловчи сифатида эмас, балки “актив” иштирокчи сифатида қатнашади. Интерак-тив ўқитиш технологияси анъанавий маъруза ўқиш услубини кўзда тутмайди ва шу билан бир қаторда маъруза дарсларини амалий дарсларга қарама-қарши қўймайди. Интерфаол ўқитишда маъруза ва амалиёт бир бутун машғулотнинг қисмлари деб қаралади ва бу ўқи-тувчи ҳамда талабанинг ўзаро таъсири ҳамда талабаларнинг машғулот давомида фаол иштирок этиш даражаси билан белгиланади. Маълумки, анъанавий маъруза дарсларида ўқитувчи фаоллиги таъминланса, амалий машғулотларда талаба фаоллиги талаб этилади. Интерфаол услубда ўқитувчидан машғулот давомида талаба ва ўқитувчи ўртасидаги ўз-аро таъсир даражасининг бир кўринишидан иккинчисига мавзуга боғлиқ ҳолда устамон-лик билан равон ўтиши талаб этилади.