3-bob. Suv xo’jaligi qurilishida kapital qo’yilmalarni rejalashtirish asoslari

3.2. Kapital qo’yilmalarni rejalashtirish tartibi
Kapital qo’yilmalar rejasi quyidagi bo’limlardan tashkil topgan:

1. 
   Ishlab chiqarish quvvatlarini, ishlab chiqarish va noishlab chiqarish ob’ektlarini ishga tushirish;
   
2. 
   Asosiy vositalarni ishga tushirish;
   
3. 
   Qurilish ob’ektlarining soni va titul ro’yxati.
   

Kapital qo’yilmalarning asosiy ko’rsatkichlari bo’lib quyidagilar hisoblanadi:

1. 
   Ishlab chiqarish quvvatlarini texnikaviy qayta qurollantirish va ishlab turgan korxonalarni rekonstruktsiya qilish hisobiga o’stirish;
   
2. 
   Ishlab chiqarish quvvatlarini oshirish, yangi ob’ektlar qurish, eski korxonalarni kengaytirish, uy-joylar, madaniy-maishiy binolar, sog’liqni saqlash muassasalari qurish, ishlab chiqarish va noishlab chiqarish fondlarini ishga tushirish hisobiga.
   

Kapital qo’yilmalar rejasi – tarmoqlar , vazirliklar va umuman suv xo’jaligi bo’yicha tuziladi.

Davlat kapital qo’yilmalar limiti melioratsiya sohasida quyidagi maqsadlarga beriladi:

• 
  Sug’orish shahobchalari, suv omborlari, alohida kanal va inshoatlar nasos stantsiyalari, ko’priklar, suv olish va to’sish inshoatlari qurishga;
  
• 
  Sug’orish tarmoqlaridagi kollektorlar va zovurlar qurishga – nasos stantsiyalari, suv omborlari, yaylovlarga suv chiqarishga, axoli punktlarni suv bilan ta’minlashga. Тemir beton konstruktsiyalarini va detallarni qurishga, materiallarni ishlab chiqarishga;
  
• 
  Loyiha tashkilotlariga, institut, kasb hunar kollejlar bino va inshoatlarini qurishga;
  
• 
  selga qarshi obektlar qurishga;
  
• 
  Kapital qo’yilmalarni rejalashtirilganda asosan balans usuli qo’llanadi. Bunda ishlab chiqarilgan mahsulot hajmi bilan ishlab chiqarish quvvatlarini amaldagi hajmi taqqoslanib, rejada ishlab chiqarilishi mo’ljallangan mahsulot hajmi uchun qo’shimcha talab qilinadigan ishlab chiqarish quvvatlarining miqdori aniqlanadi.
  

Ishlab chiqarish quvvatlari balansini tuzishda quyidagi ko’rsatkichlar aniqlanadi:

• 
  Rejalashtirish davrining boshidagi ishlab chiqarish quvvati;
  
• 
  Ro’yxatga olish davrining oxiridagi ishlab chiqarish quvvati;
  
• 
  O’rtacha yillik quvvat.
  

Bundan tashqari:

• 
  Uskunalardan foydalanish balansi;
  
• 
  Material balanslari;
  
• 
  Mehnat resurslari balanslari;
  
• 
  Mablag’ balanslari tuziladi.