3-bob. Suv xo’jaligi qurilishida kapital qo’yilmalarni rejalashtirish asoslari

3-BOB. SUV XO’JALIGI QURILISHIDA KAPITAL QO’YILMALARNI REJALASHTIRISH ASOSLARI

1. 
   3.1. Rejalashtirish organlari va rejalarni tasdiqlash tartibi
   

Avvalgi davlat reja qo’mitasi vazifasini hozirda Oliy Majlis qoshida tashkil etilgan iqtisodiy qo’mita bajarmoqda. Hukumat tarkibida makroiqtisodiyot va statistika vazirligi tashkil etilgan. Bu vazirlikning viloyat va tuman hokimiyatlari qoshida ham quyi tabaqa bo’limlari mavjud bo’lib ular viloyat va tumanda rejalashtirish ishlarini boshqarib boradi.

Qishloq va suv xo’jaligi vazirligi qoshidagi kapital qurilish bosh boshqarmasi qaramog’ida iqtisodiy rejalashtirish bo’limi mavjud bo’lib u kapital qurilishni rivojlantirish uchun zarur bo’ladigan kapital qo’yilmalar miqdorini, qurilishi lozim bo’lgan ob’ektlarning sonini va qyimatini, zarur bo’ladigan ishlab chiqarish quvvatlarini ishga tushirishni va boshqa ishlarni rejalashtiradi. Viloyat va tumanlardagi kapital qurilish bo’limi mavjud bo’lib, ular suv xo’jaligi qurilishini rivojlantirishni rejalashtiradi.

Suv xo’jaligi qurilishida kapital qo’yilmalarni rejalashtirish vazifalari asosiy vositalarni kengaytirilgan takroriy ishlab chiqarish asosida rivojlantirishdan iboratdir. Chunki asosiy vositalarning rivojlanishi kapital qo’yilmalar hajmiga to’g’ridan-to’g’ri bog’liqdir.

Bunda suv xo’jaligi qurilishi respublika, viloyat, tuman ahamiyatiga ega bo’lgan ob’ektlarini davlat byudjetidan ajratiladigan mablag’ hisobiga olib boriladi. Тuzilgan har-bir reja yuqori tashkilot tomonidan tasdiqlanadi.