3-bob. Suv xo’jaligi qurilishida kapital qo’yilmalarni rejalashtirish asoslari

Kapital qo’yilmalar hajmini rejalashtirish

Kapital qo’yilmalarga bo’lgan talabni hisoblash quyidagi yo’nalishlar bo’yicha olib boriladi:

• 
  Faoliyat ko’rsatib turgan korxonaning quvvatini bir maromda ushlab turish va texnikaviy qayta qurollantirish;
  
• 
  Faoliyat ko’rsatib turgan quvvatlarni rekonstruktsiya qilish va yangi quvvatlarni va asosiy vositalarni qurish.
  

Rekonstruktsiya uchun va yangidan qurilishni tashkil qilish uchun zarur bo’ladigan kapital qo’yilmalar miqdorini qurilish modeliga va uning yangi mavsumga tayyorligiga qarab aniqlanadi:

Bunda: avvaldan qurilish boshlab yuborilgan ob’ektlarni bitirib ishga tushiriladigan quvvatlar miqdorini aniqlanadi. Buning uchun boshlab qo’yilgan ob’ektlarni tugatish uchun zarur bo’ladigan kapital qo’yilmalar miqdori smeta limiti qoldig’iga qarab aniqlanadi.

Yangi qurilishga va korxonalarni kengaytirishga kerak bo’ladigan kapital mablag’lar miqdori tasdiqlangan ulushli kapital qo’yilmalarning meyoriga qarab aniqlanadi. Yuqorida keltirilgan raqamlarning hammasi qurilishning titul ro’yxatida yana bir bor aniqlanadi.