3 bob. Bo’sh zaminlarini sun’iy mustahkamlash usullari 13. Umumiy ma’lumotlar

Issiqlik ta’sirida qotirish usulidan o‘ta cho‘kuvchan lyoss va lyossimon hamda serg‘ovak qumli loylarni qotirishda foydalaniladi.
Issiqlik ta’sirida qotirishning ikki usuli mavjud. Birinchisi Ostashev N. A. taklif etgan korxonalarning gazidan foydalanishga asoslangan usul. Bunda shaxmat shaklda oldindan qazilgan kvadratlar uchidagi chuqurlarga 600-800° haroratli issiq havo yuboriladi.
Ikkinchi usul Litvinov I. M. kashfiyotiga mansub. Bunda kavlangan chuqurlar ichida gazga aylanuvchi suyuq, yoki qattiq holatdagi yonilg‘i yoqiladi. Yonish vaqtida hosil bo‘lgan harorat 1000° gacha yetadi. Bajarish nuqtai nazaridan yengil, iqtisodiy tomondan esa qulay bo‘lgani uchun ushbu usul oldingisiga nisbatan keng qo‘llaniladi. Unda 10-20 sm li chuqurlar to‘rtburchak, yoki shaxmat shaklida 2-3 metr oraliqda joylashtiriladi. Chuqurning o’lchami, oldingi usullardagidek, tashqi yuk tasiridan gruntning siqilish qatlami qalinligi bilan belgilanadi. Gruntga yuboriluvchi issiq havoning xajmi 1 metr chuqurga 10-40 m³ orasida o‘zgaradi. Suyuq yonilg‘i esa shu hajmga 100 kg atrofida sarflanadi. Yonish jarayoni 5 - 10 kun davom etib, 1,5 -2,5 m atrofidagi gruntni qamraydi. Shundan so‘ng hosil bo‘lgan chuqurlik shibbalangan mustahkam grunt bilan to‘ldiriladi. Yonish natijasida lyoss gruntlari mustahkamlanibgina qolmay, balki o‘ta cho‘kish qobiliyatini ham yo‘qotadi. Ammo uning suv sizdirish qobidiyati sezilarli darajada ortadi.