21-mavzu. Texnologik jihozlarning turlanishi avtomobil transporti sohasida ishlatiladigan jihozlarning umumiy turlari

Texnologik jihozlar 
bajaradigan vazifalariga qarab ikki guruhga bo’linadi: umumiy sanoat 
jihozlari va soha jihozlari (1.1-rasmga qarang). 
Birinchi guruhga avtomobil transporti sohasidan tashqari iqtisodiyotning boshqa ob’ektlarida 
ham keng ishlatiladigan jihozlar kiradi. Bular jumlasiga payvandlash, temirchilik, metalga ishlov 
beruvchi, misgarlik, elektrta’mirlash, elektronika va duradgorlik ishlarini bajarish uchun mo’ljallangan 
jihozlar kiradi. 
Ulardan tashqari sohada avtokorxonani isitish, shamollatish, suv va oqava ta’minoti, elektr 
ta’minoti kabi muhandislik tarmoqlarini ekspluatatsiya qilish uchun mo’ljallangan jihozlar ham keng 
qo’llaniladi. 
Ikkinchi guruhga avtomobil va uning agregat hamda tizimlarining texnik holatini saqlab turish 
va tiklashga mo’ljallangan, maxsus avtomobil transporti sohasi uchun ishlab chiqilgan jihozlar kiradi. 
Ushbu guruhga kiritilgan texnologik jihozlarni quyidagi guruhchalarga ajratish mumkin: 
-tozalash-yuvish jihozlari; 
-ko’tarish-ko’rish va ko’tarish-tashish jihozlari; 
-shinomontaj, shinata’mirlash jihozlari; 
-moylash, yuvish, avtomobilni havo, moy va boshqa ishchi suyuqliklar bilan to’ldirish 
jihozlari; 
-ajratish – yig’ish va ta’mirlash jihozlari. 
Oxirgi guruhcha o’z ichiga TXK va ta’mirlash ishlarini bajarish jarayonida qo’llaniladigan 
ko’p turdagi ishlab chiqarish jihozlarini qamrab olgan va bunda sanoat jihozlari ham birgalikda 
ishlatilishi mumkin. 

---

Masalan: avtomobil agregatlarini yechish-o’rnatish, ajratish-yig’ish jarayonini amalga 
oshirishda chilangar-mexanik, temirchilik, payvandlash, misgarlik, kuzov, shinomontaj, elektrsozlik 
asbob- uskunalaridan ham foydalaniladi. 
Avtomobillarga TXK va ta’mirlash sifatini ta’minlashda katta ahamiyatga ega bo’lgan 
guruhdan biri 
moslamalar va uskunalar, ya’ni nostandart jihozlar 
guruhidir.