2019 O’zbekiston respublikasi oliy va o’rta maxsus ta’lim vazirligi termiz davlat universiteti

216- mashq. O’qing, majhullik nisbati shaklida qo’llangan fe’llarni topib ko’chiring, yasalishini va o’zlik nisbatidan farqini ayting.
1. O’sarjon erta bilan dalaga chiqdi. Har joyda ko’z ilg’amas ulkan dalalarda lo’ppi-lo’ppi ochilgan yoki endigina chanog’ini yorgan oppoq paxta ertalabki quyoshning oltin nuridan qorday chaqnar, salqin shabadadan yengil mavjlanar, ko’z qamashtiruvchi million shabnam durlari bilan chiroyli tovlanar edi. Yosh yigitning ko’zlari uchqunlanib ketdi. (O.) 2. Feruza katta yo’lning toshlariga qoqilib, idora binosiga yetib keldi. (H. G’.) 3. Mehmonxona yaxshi isitilgan, katta stolga dasturxon yozilgan, atrofiga stullar terilgan edi. (H. G’.) 4. Qaddi-qomati kelishgan bir qiz Alisherning yonidan ildamlik bilan o’tib, tor ko’chaga burildi. (L. Batь.) 5. Ertasi kun Moskvaning Qozon vokzalida Mirzacho’lga ketayotganlarning maxsus vagoni sostavga ulandi. (H. G’.) 6. Tutzor orqasida etagi uzoq adirlarga taqalgan dala manzarasi birdan ochildi. (O.) 7. SHu kunlarda butun O’zbekiston qudratli terim harakati bilan to’lqinlanadi. (O.) 8. Ana endi faraz qilaylik: yil yakunlandi, hisobot-saylov o’tkazildi, a’zolar brigadalarga baravar taqsimlandi, texnika gektarga qarab bo’lib beraldi. (H. G’.)