2 O`zbekiston respublikasi oliy va o`rta maxsus ta’lim vazirligi qarshi davlat universiteti mehnat ta’limi kafedrasi

Hajmiy o‘t o‘chirish tizimi
- har qanday joyida yong‘in chiqishi mumkin bo‘lgan xonalarning butun hajmini 
himoyalash uchun tavsiya etiladigan o‘t o‘chirish tizimi; 
Lokal o‘t o‘chirish tizimi
- texnologik apparat va jihozlarni xonalarda va ochiq havoda joylashgan boshqa 
obyektlarni himoyalash uchun tavsiya etiladigan o‘t o‘chirish tizimi; 
Moddalarning o‘tga chidamlilik darajasi
–moddalarning yonishi (alangalanishi) oson yoki qiyinlik 
ko‘rsatkichi; 
Jarohatlanganlarga dastlabki tibbiy yordam 
Dastlabki tibbiy yordam
– jarohatlangan kishiga tibbiyot xodimiga qadar ko‘rsatiladigan yordam(bu asosan 
jarohatlovchi omil ta’sirini to‘xtatish, tugatish va bartaraf etish hamda jarohatning ikkilamchi holda yuzaga 
keltirishi mumkin bo‘lgan xastalik yoki jarohat oldini olishga qaratilgan tadbir bo‘lib, buni barcha kishi bilishi 
shart); 
Jarohat turlari
– ishchi(inson) tana yoki organizmining meyoriy holatdan chiqishiga sabab bo‘luvchi omillar 
turlariga bog‘liq ko‘rsatkich(bular quyidagicha turlarda bo‘lishi mumkin: qon ketishi – tana yoki tana 
a’zolarining teri qismi butunligining buzilishi natijasida qonning tashqariga chiqishi; suyak sinishi – suyak 
butunligining buzilishi; lat yeyish – muskul va paylarning ezilishi natijasida meyoriy holatdan chiqishi; 
xasharotlardan jarohatlanish – xasharotlarning chaqishi va hok.); 
Ochiq sinish
– suyak sinishi va bu suyaklarning teridan tashqariga chiqib qolishi(bunday jarohat turi murakkab 
bo‘lib, suyak sinishiga shina bog‘lov qo‘yishni va jarohat joyidan ketayotgan qonni to‘xtatishni talab etadi); 
Yopiq sinish
– suyak sinishi kuzatiladi, biroq shu sinish joyidagi teri butunligi saqlanadi; 
Teri to‘qimalarining kuyishi
– issiqlik ta’siri ostida teri to‘qimalari faoliyatining buzilishi; 
Birinchi tibbiy yordam vositalari
– birinchi tibbiy yordam ko‘rsatishda ishlatiladigan vositalar(bularga yod 
eritmasi, bint, jgut, shina va hokazolar kiradi);