2-mavzu: Xorijda,O’zbekistonda ijtimoiy pedagogikaning rivojlanish tarixi. Islom ta’limotida ijtimoiy-pedagogik g’oyalar

Reyting (inglizcha “baholash”, “tartibga keltirish”) muayyan hodisani oldindan belgilangan shkala bo’yicha baholash. Reyting tizimi o’quvchilarning bilim sifatini nazorat qilish turi, metodi va shakli sifatida e’tirof etilib, uning yordamida o’quvchilarning o’quv fanlari bo’yicha ta’lim standartida belgilangan barcha talablar bo’yicha o’zlashtirilgan bilimlari sifati baholanadi.
Reyting nazoratda o’quvchilarning o’quv faoliyatini nazorat qilishning yuqorida keltirilgan metodlari bilan birga test usulidan ham samarali foydalanilmoqda. Test so’rovidan nafaqat o’quvchilarning bilim, ko’nikma va malakalari darajasini aniqlash, balki 1993 yildan boshlab O’zbekiston Respublikasida abiturientlarni oliy o’quv yurtlariga tanlov asosida qabul qilish jarayonida ham samarali foydalanib kelinmoqda.
Reyting tizimi yana bir qator afzalliklarga ega. Masalan: baholash tizimi imkoniyatlarini kengaytirish; o’quvchi bilimini ob’ektiv aniqlash; ta’limni standartlashtirish imkoniyatini ta’minlash; DTSda ko’zda tutilib, o’quv dasturiga kirgan majburiy ixtiyoriy BKMni to’la o’zlashtirilishini ta’minlash; o’quvchilarda mustaqil bilim olish, erkin fikr yuritish ko’nikmalarini shakllantirish; o’quvchilarda bilimlarni ixtiyoriy o’zlashtirish, kamchiliklarni bartaraf etish uchun mustaqil ishlash imkoniyati yaratiladi.


O’quvchilarning BKMni baholash mezonlari. O’quvchilarning BKMni baholash mezonlari har bir fanning maqsad va vazifalari, shuningdek, guruhdagi o’quvchilarning o’zlashtirish darajasiga tayangan holda belgilanadi. Baholash mezonlarini ishlab chiqishda o’quvchilarning og’zaki javob berishlari, ko’nikma va malakalariga alohida-alohida yondashiladi.
O’quvchilarning BKM darajasi quyidagi mezonlarga muvofiq baholanadi:
“5” baho (85-100 ball) qo’yiladi, agar: a) o’quvchi materialni to’liq o’zlashtirib olgan bo’lsa; b) o’rganilgan mavzu bo’yicha asosiy ma’lumotlarning mohiyatini ochib bera olsa; v) egallangan bilimlarni amalda qo’llay olsa; g) o’rganilgan mavzuni bayon qilishda, o’zma ishlarda xatolarga qo’l qo’ymasdan, ma’lumotlarni tushuntirib bera olsa qo’yiladi.
“4” baho (71-84 ball) qo’yiladi, agar: a) o’quvchi o’rganilgan mavzuning mohiyatini bilsa; b) o’qituvchining savollariga qiynalmasdan javob bera olsa; v) egallangan bilimlarni amaliyotda qo’llay olsa; g) og’zaki javob berishda jiddiy xatolarga yo’l qo’ymasdan, o’qituvchining qo’shimcha savollari bilan xatolarini to’g’rilay olsa hamda yozma ishda uncha jiddiy bo’lmagan xatoga yo’l qo’yilsa;
“3” baho (55-70 ball) qo’yiladi, agar: a) o’quvchi o’rganilgan mavzuni o’zlashtirgan, lekin mustaqil tushuntirish berishda o’qituvchining aniqlashtiruvchi savollariga ehtiyoj sezsa; b) savollarning mantiqiy tuzuilishini o’zgartirib berganda, javob berishga qiynalsa; v) yozma ishda xatolari bor bo’lsa.
“2” baho (0-54 ball) qo’yiladi, agar: o’quvchi o’rganilgan mavzu haqida tushunchaga ega bo’lsa-da, biroq, uni o’zlashtirmasa, yozma ishda qo’pol xatolarga yo’l qo’ysa.

Adabiyotlar:

1. 
   Babanskiy Yu.K. Metodo’ obucheniya v sovremennoy obheobrazovatelnoy shkole. – Moskva: Prosvehenie, 1985.
   
2. 
   Lerner I.Ya. Didakticheskie osnovo’ metodov obucheniya. – Moskva: Pedagogika, 1981.
   
3. 
   Pedagogika G’G’ Ucheb. posobie dlya studentov pedagogicheskix vuzov i pedagogichskix kolledjey. Pod red. P.I.Pidkasistogo. – Moskva: Pedagogicheskoe obhestvo Rossii, 200.
   
4. 
   Ro’jkov V.N. Didaktika. – Moskva: Yuniti-dana, 2004.
   
5. 
   Sayidaxmedov N.S. Metodo’ obucheniya shkolnikov mexanizirovannomu trudu v xlopkovodstve. – Tashkent: Ukituvchi, 1991.
   
6. 
   Sayidahmedov N.S. Yangi pedagogik texnologiyalar. – Toshkent: Moliya, 2003.
   

8. Pedagogika nazariyasi va tarixi. 1-qism. Pedagogika nazariyasi G’ M.X.Toxtaxodjaeva va boshqalar. Prof. M.X.Toxtaxodjaevaning umumiy tahriri ostida. – Toshkent: “Iqtisod-moliya”, 1996.

Nazorat uchun savollar:

1. Ta’lim metodi nima?
2. Ta’lim metodlari qanday turga bo’linadi?
3. Og’zaki bayon metodlari qanday o’ziga xosliklarga ega?
4. Ko’rgazmali metodlarning afzalliklari nimalar bilan belgilanadi?
5. Amaliy metodlarning mohiyati nimadan iborat?
6. Didaktik o’yinlar qanday maqsadda qo’llaniladi?
7. Ta’lim vositalari qanday didaktik imkoniyatlarga ega?
8. Ta’limni tashxis etish nima?
9. Ta’limni baholash yoki tekshirish qanday maqsadga xizmat qiladi?
10. Tekshirish qanday bosqichlarda amalga oshiriladi?
11. Ta’lim olganlikni nazorat qilish va tashxislash tamoyillari nimalardan iborat?
12. O’quv faoliyatini nazorat qilish qanday shakllarda amalga oshiriladi?