2-Mavzu: Raqamli videoning asosiy tushunchalari. Video axborotga ishlov berishning asosiy yo‘nalishlari

Taqdimotlar

Multimedia taqdimotlari inson tomonidan sahnada o‘tkazilishi mumkin, proyektor orqali namoyish etilishi mumkin, yoki boshqa lokal qurilmada qo‘yilishi mumkin. Taqdimotlarni namoyishi “jonli” holda bo‘lishi, shuningdek, yozib olingan holda namoyish etilishi mumkin. Efirga uzatish yoki yozish analog yoki elektron saqlash va uzatish texnologiyalariga asoslangan bo'lishi mumkin. Shuni esda tutish kerakki, multimediya onlayn yoki foydalanuvchining kompyuteriga yuklab olinishi va istalgan shaklda ijro etilishi yoki oqim texnologiyasidan foydalangan holda bevosita Internetdan ko'chirilishi mumkin. Streaming texnologiyasidan foydalangan multimedia jonli yoki talab asosida taqdim etilishi mumkin.

O‘yinlar

Multimediya o'yinlari - bu o'yinchining kompyuter tomonidan yaratilgan virtual muhit bilan o'zaro aloqasi bo'lgan o'yinlardir. Virtual muhitning holati axborot uzatishning turli usullari (audio, vizual, sensorli) yordamida o'yinchiga uzatiladi. Hozirgi kunda kompyuter o'yinlari yoki konsuldagi barcha o'yinlar multimedia o'yinlari hisoblanadi . Shuni eslatib o'tish joizki, ushbu turdagi o'yinlarni lokal kompyuter orqali yakka holda o'ynash, shuningdek, lokal va global tarmoqlar orqali boshqa o'yinchilar bilan ham o'ynash mumkin.
Iste'molchi tomonidan axborot qabul qilishni soddalashtirish uchun turli xil multimedia ma'lumotlar formatlarini ishlatish mumkin. Misol uchun, faqat matn shaklida ma'lumot berishni emas, balki audio ma'lumot yoki videoklipni ko'rsatish mumkin.

Kompyuter animatsiyasi

• Kompyuter yordamida yaratilgan multiplikatsiya turidir. "CGI grafikasi" ning umumiy tushunchasidan farqli o'laroq, bu grafika ham harakatsiz, ham harakatli tasvirlarga ega bo'lsa, kompyuter animatsiyasi faqat harakatlanuvchi tasvirlarni o'z ichiga oladi. Bugungi kunda u nafaqat o'yin kulgi sohasida, balki sanoat, ilmiy va biznes sohalarida ham keng qo'llanilmoqda. Kompyuter grafikalarining mahsuli bo'lmish animatsiya - tasvirlarni yaratishda huddi shu usullarni o'z ichiga oladi:
• Vektorli grafikalar
• Raster grafikalar
• Fraktal grafikalar
• 3D grafikalar
• Vizual effekt texnologiyasining dastlabki bosqichi 1961 yilda Ayven Sazerlend tomonidan yaratilgan Sketchpad tizimidir. Ushbu tizimda, yengil kalem yordamida, foydalanuvchilar bevosita monitor ekranda chizmalarni yaratishlari mumkin bo'ldi. 1967 yilda Sazerland Devid Evinsom bilan birgalikda kompyuter grafikasi bo'yicha trening kursini yaratish ustida ish boshladi. Bunday tadqiqotlar asos solingan Utah Universitetida (AQSh) o'sha paytda ish olib borganlar: Jim Klark - Silicon Graphics Inc. asoschisi Edvin Katmull- kompyuter yordamida film tayyorlash sohasida kashfiyotchilardan biri, Adobe Systems kompaniyasining asoschisi Jon Varnok. Photoshop va PostScript kabi mashhur mahsulotlar ishlab chiqaruvchisi hisoblanadi. Avval, geometrik shakllar majmui (odatda uchburchaklar) asosida ob'ektlarning uch o'lchovli tasvirlari shakllantirildi.