2 mavzu: Pedagogik texnologiyalar mazmun va mohiyati

Pedagogik texnologiya bu-tizimli fikr yuritish usulini pedagogikaga singdirish, boshqacha qilib aytganda, pedagogik jarayonni ma’lum bir tizimga keltirishdir.
Pedagogik texnologiya atamasi va unga asoslangan ta’lim YUNESKO tomonidan ham 1972 yilda tan olingan. O’qitishning ilg’or usuli sifatida maqullangan.
YUNESKO ta’rificha pedagogik texnologiya bu- texnika resurslari, odamlar va ularning ta’sirini hisobga olgan holda ta’lim shakllarini optimallastirish vazifasini qo’yuvchi o’qitish va bilimlarni o’zlashtirishning hamma jarayonlarini yaratish, qo’llash va aniqlashning tizimli metodidir.
Bir so’z bilan aytganda pedagogik texnologiya- o’qitish jarayonini optimal tashkil etishdir.
Pedagogik texnologiyalarga asoslangan dars yoshlarning muhim hayotiy yutuq va muammolariga o’z munosabatlarini bildirishga intilishni qondirib, ularni fikrlashga, o’z nuqtai-nazarlarini asoslashga imkoniyat yaratadi.
Pedagogik texnologiyalarning eng asosiy negizi o’qituvchi va o’quvchining belgilangan maqsaddan kafolatlangan natijaga hamkorlikad erishiishlari asosidir.
Zamonaviy pedagogik texnologiyalarning psixologik-pedagogik nuqtai-nazardan takomillashuvining asosiy yo’nalishlari quyidagilar bilan ifodalanadi:
1.O’quvchining yodlashdan eslab qolish funksiyasiga o’tishi;
2.O’qitishning individuallashtirilgan shakliga o’tishi;
3.O’quvchining motivatsiyasini rivojlantirish;
Har qanday ta’lim o’quvchi shaxsiga, uning qiziqish, xoxish va istagiga, ehtiyojlari asosida qurilishi kerak.
Ta’limni individuallashtirish shunday o’qitish usuliki- bunda har bir o’quvchi ta’lim jarayonida faol ishtirok etishi va o’quv-biluv jarayoniga shaxsiy hissa qo’shishi hisobga olinadi.
Ta’limda individual yondashuv bu- Guruhlarda ishlaganda, o’quv-tarbiyaviy ishlarni tashkil etishda, har bir o’quvchi bilan yakkama yakka islaganda ularning shaxsiy xususiyatlari doimo o’qituvchi diqqat markazida turishi kerak.
-O’quvchilar bilan ishlaganda, ularning o’ziga xosliklari hisobga olinishi kerak.
-Pedagogik-psixologik jarayonlarni olib borishda o’quvchining shaxsiy rivojlanish darajasini hisobga olish kerak.