2-мавзу: Операцион тизим тарихи ва унинг функциялари. Компьютер конфигурацияси

Сичқончадан фойдаланиш: Сиз сичқончадан жуда тез-тез фойдаланасиз. Сичқонча сизга бир қанча ҳаракатларни бажариш учун экрандаги стрелкани бошқариш имконини беради. Стрелка дастурга боғлиқ ҳолда кўринишини ўзгартирса ҳам одатда камон ўқи шаклида бўлади. Сичқонча стрелкани экраннинг маълум қисмига кўчириш ва кичик белгиларни кўрсатиш учун ишлатилади. Сиз сичқончадаги тугмаларни босиш ёрдамида белгилардаги амалларни фаоллаштиришингиз мумкин.
Сичқончани столингизда ёки сичқонча гиламчасида бошқариш учун бош бармоқ ва иккита чет бармоқларингизни ишлатинг. Сичқонча тугмаларини босиш учун кўрсаткич ва ўрта бармоқларингиздан фойдаланинг.

2.6-расм. Сичқончадан фойдаланиш.
Windows 7 операцион тизимининг қулайликларидан айримларини санаб чиқамиз:

1. 
   Бир вақтнинг ўзида бир қанча дастурлар билан ишлаш имкониятига эгалиги;
   
2. 
   Компьютернинг қўшимча қурилмаларини ўрнатиш учун махсус “Мастер” дастурларининг мавжудлиги;
   
3. 
   Дастурлар орасидаги ахборотлар алмашинувининг қулайлашганлиги;
   
4. 
   Битта компьютердан бир қанча фойдаланувчининг фойдалана олиши ва фойдаланувчилар файлларининг дахлсизлиги;
   
5. 
   Операцион тизимни қайта тиклаш функцияси системани қайта тиклаб, ҳужжатларнинг йўқотилишини олдини олиши;
   
6. 
   Юқори даражада ишончлилиги;
   
7. 
   Ўз – ўзини такомиллаштириш дастурларининг мавжудлиги;
   
8. 
   Windows 7 дастури ўрнатилган компьютерга хеч бўлмаганда 512 Мбайтгача тезкор хотира қурилмасини ўрнатиш мумкинлиги;
   
9. 
   Аудио ва видео файлларининг сифатини назорат қила олиши;
   
10. 
    Вируслардан ҳимояланиш янада самаралироқ бўлганлиги ва ҳоказо.
    

Windows 7 дастурини компьютерга ўрнатиш учун компьютер қуйидаги минимал талабларга жавоб бериши керак:

1. 
   Процессор – Pentium III – 500 МГц;
   
2. 
   Тезкор хотира – камида 24 Мбайт, тавсия этилади 512 МБайт;
   
3. 
   Қаттиқ дискда – камида 527 Мбайт бўш жой;
   
4. 
   Монитор ўлчами – камида 1024 х 768 пиксел бўлиш керак;
   
5. 
   Мультимедиа воситалари.
   

Windows 7 дастурида ишнинг бошланиши “Сеанс” деб номланади. Windows 7 Professional дастурида иш бошлаш учун сиз махсус номга ва айрим ҳолларда паролга эга бўлишингиз керак. Уни сиз тармоқ бошқарувчисидан билиб оласиз.
Windows 7 дастури компьютерга ўрнатилгандан кейин уни фаоллаштириш талаб этилади. Бу иш Microsoft фирмаси томонидан қўйилган шарт бўлиб, Windows 7 нинг ноқонуний тарқалишини олдини олиш мақсадида жорий этилгандир.
Компьютерга Windows 7 дастури ўрнатилган бўлса, компьютер ёқилиши билан бу дастур ишга тушиб, экранда 2.7 – расмдаги кўриниш ҳосил бўлади.
Windows 7 дастурингизнинг кўриниши бошқачароқ бўлса, ажабланманг. Унинг кўриниши қандай ўрнатилишига боғлиқ. Ёки иш столининг хусусиятлари ўзгартирилган бўлиши ҳам мумкин.Windows 7 дастурининг ташқи кўриниши, айниқса бош меню, олдинги Windows операцион тизимларидан фарқ қилади. Агар, сиз Windowsнинг олдинги турлари билан таниш бўлсангиз, бу ўзгаришларни дарҳол билиб оласиз. Бу ўзгаришлар ҳақида кейинчалик батафсил айтиб ўтилади. Агар умуман Windows операцион тизимида ишламаган бўлсангиз, у билан эркин ишлашни ўрганиб оласиз.