2-мавзу: Операцион тизим тарихи ва унинг функциялари. Компьютер конфигурацияси

Ойналар чегараси.«Сичқонча» билан ойна чегарасини илиб олган ҳолда унинг ўлчамини горизонтал ва вертикал бўйича ўзгартириш мумкин. Аммо ойна чегаралари жуда ингичка бўлгани учун ойна ўлчамини унинг пастки ўнг бурчагини илиб олиб ўзгартириш қулайроқдир. Ушбу бурчак «сичқонча» билан илиб олиш осон бўлиши учун махсус катталаштирлган ўлчамда тайёрланган.
«Мой компьютер» (менинг компьютерим) иловаси билан ишлаш
Windows тизими компьютерда маълумотларни сақлаш структураларини бошқариш ва кўриб чиқишни икки усулда бажаради: «Мой компьютер» (Менинг компьютерим) ва «Проводник» (Бошловчи) иловалари ёрдамида.
«Мой компьютер» (Менинг компьютерим) иловаси компьютернинг файлли структурасини ва дискларини, папка ва файлларини иловалари фаолиятини мувофиқлаштириб бошқариш имкониятларини яратиб беради.
«Мой компьютер» ёрдамида дисклар билан ишлаш, улардаги папка ва файлларни кўчириш, доимий хотирадаги файлларни ўчириш, қайта номлаш, жойини ўзгартириш, улардан нусха олиш мумкин.
Иш столидаги «Мой компьютер» объектида сичқончани икки марта боссангиз, илова ойнаси очилади (2.5-расм).
«Диск 3,5 (А)» - дискетадаги маълумотларни кўриш уларни қайта номлаш кўчириш, очириш ва компьютерга ёзиш учун фойдаланилади.
«Локальный диск (С)» - компьютернинг доимий хотирасидаги папкалар ва файллар устида амаллар бажаришда фойдаланилади.
«CD-дисковод (E)» - лазерли дисклардаги маълумотни кўриш ва кўчириш учун фойдаланилади.
Агар «Локальный диск (C:)» диск белгиси устида сичқончанинг чап тугмачаси бир марта босилса, ойнанинг паст қисмида жойлашган ҳолат қаторида дискдаги бўш жой миқдори акс этади.
Дискдаги файллар ва жилдларни кўриб чиқиш учун дискнинг расмчаси устида сичқончани икки марта босамиз. Натижада ойнада диск ичидаги ахборот намоён бўлади. Агар диск ичидаги жилд устида сичқонча икки марта босилса, ойна ўзгариб, монитор экранида улар ичидаги ахборот пайдо бўлади.
«Адрес» (Манзил) қаторидан турли дискларга, жилдларга, катта жилдларга ўтиш учун муқобил усул ишлатилиши мумкин. Бунинг учун Сиз адрес қатори охирида туган «пастга» кўрсаткичини боссангиз, турли дисклар ва жилдлар рўйхати чиқади. Керакли объект устида сичқончани боссангиз, ойнада объектдаги ахборот акс эттирилади.