2-ма’ruza yuqori molekulyar birikmalar klassifikasiyasi

I sinf asosiy zanjirda bir xil yoki har xil atomlarning borligi
II sinfcha asosiy zanjir elementlarining tabiati
III guruh asosiy zanjir tuzilishi va bog’ turlari
IV guruhcha asosiy zanjirda o’rinbosarlar tabiati
V turi takrorlanuvchi zvenolarning tuzilishi
Bu klassifikasiyaga mos ravishda polimerlar

• 
  Gomozanjirli;
  

• 
  Geterozanjirli bo’ladi.
  

Asosiy zanjirida faqat bir xil atomlar saqlagan polimerlar gomozanjirli polimerlar deyiladi. Masalan, polistirolning asosiy zanjiri faqatgina uglerod atomlaridan tashkil topgan bo’lib, bunday polimerlarga karbozanjirli polimerlar deyiladi:

Molekulyar zanjiri har xil atomlardan tashkil topgan polimerlar geterozanjirli polimerlar deyiladi. Masalan, poliamidlarning

asosiy zanjiri

ko’rinishga ega.
Shuningdek geterozanjirli polimerlarga poliefirlar, poliuretanlar va boshqalar kiradi.
Gomozanjirli polimerlar sinfi bir necha sinfchalarga bo’linadi-karbozanjirli; kremniy zanjirli (polisilanlar), oltingugurtning, qalayning va boshqalarning polimerlari.
Geterozanjirli polimerlar sinfi gomozanjirlilarga nisbatan yanada ko’proq sinfchalarga bo’linadi: oksikarbozanjirli, azotkarbozanjirli, oksialyuminiy zanjirli, oksikarboazot zanjirli va h.z.
Yuqorida yuqori molekulyar birikmalarning kelib chiqishiga ko’ra tabiiy, sun’iy va sintetik polimerlarga bo’lgan edik. Keltirilgan sinfning har biri yana organik, biopolimerlar va noorganik polimerlarga bo’linadi.

Bundan tashqari polimerlar kimyoviy tabiatiga ko’ra

• 
  Organik;
  
• 
  Anorganik;
  
• 
  Elementorganik
  

polimerlarga bo’linadi.
Organik polimerlar tarkibida uglerod, vodorod, azot, kislorod, galogenlar atomlari bo’ladi.
Karbozanjirli (gomozanjirli) organik polimerlarga umumiy formulasi [ - CH₂ – CH (X)-]_n bo’lgan poliolefinlar va vinil monomerining polimerlari misol bo’ladi. Bu yerda X –aril, alkil, galogen, efir, nitril, karboksil, yoki boshqa funksional guruhlar. Organik polimerlarning asosiy zanjirida uglerod, kislorod, azot va oltingugurt bo’ladi. Yon zanjirida esa vodorod va galogenlar bo’lishi mumkin.