2 Ижтимоий ҳимоя тизимини қандай яхшилаш керак?

Деинституционализация ислоҳотларидаги сусткашлик
Заиф оила ва болаларни қўллаб-қувватлаш ва аҳолини ижтимоий ҳимоя қилиш бўйича ягона давлат идорасининг йўқлиги болалар муассасаларини деинституционализация қилиш ислоҳотлари самарадорлигига салбий таъсир кўрсатмоқда.
Болаларни ижтимоий ҳимоя қилиш ва васийлик тизими ислоҳотлари, унинг амалга оширилишига асосан Халқ таълими вазирлиги жавобгар бўлгани учун сусаймоқда, чунки, ушбу вазирлик оналик ва болаликни ижтимоий ҳимоя қилиш билан емас, балки умумий ўрта ва мактабдан ташқари таълим соҳасида давлат сиёсатини ишлаб чиқиш ва амалий амалга ошириш билан шуғулланиши керак.
Бунда, Халқ таълими вазирлиги инклюзив таълимнинг босқичма-босқич жорий қилинишига масъул бўлиши мумкин ва бу Ўзбекистон Республикаси фуқароларининг таълимга бўлган конституцион ҳуқуқларига риоя қилинишини таъминлайди. Бусиз деинституционализация ислоҳотларини самарали амалга оширишни тасаввур қилиб бўлмайди.
Шу сабабли, болаларни институционал муассасаларга жойлаштиришни профилактика қилиш, ижтимоий ҳимоя тизимидаги кадрларни бошқариш, заиф оилаларни кузатиш, қабул қилувчи оилаларни тайёрлаш ва бошқа функсиялар ижтимоий ҳимоя бўйича ягона давлат органи томонидан амалга оширилиши керак.
Aкс ҳолда, ислоҳот муваффақиятли бўлмайди, сифатли ижтимоий хизматларни тақдим етмасдан ва инклюзив таълимни ривожлантирмасдан меҳрибонлик уйларининг ёпилиши еса заиф оилалар ва институционал муассасаларда яшаётган болалар ривожланишига зиён йетказиши мумкин.
Деинституционализация ислоҳотлари мисолида кўриниб турибдики, ижтимоий ҳимоя тизимининг тарқоқлиги паст самарадорликка ва амалга оширилаётган ислоҳотларнинг сусайишига олиб келмоқда. Aҳолининг заиф қатламини ижтимоий ҳимоя қилиш соҳасидаги ҳар қандай ислоҳот оддий масала емас, чунки, турли еҳтиёжлар ва сифатли таълим, муносиб ишга жойлашиш ва муносиб ҳаёт даражасига бўлган ҳуқуқларни ҳисобга олган ҳолда, ижтимоий нафақа ва хизматлар одамнинг бутун ҳаёти давомида керак бўлади.