2 Халқаро илмий-амалий конференция материаллари. Педагогик инновациялар, касб-ҳунар таълими бошқарув ҳамда педагог кадрларни қайта тайёрлаш ва уларни малакасини ошириш институти, 2020 йил, 424 бет

Key words
: model, master's degree, education, technical specialties, research activities. 
Ривожланган хорижий мамлакатларда техник йўналишдаги мутахассисларни кўп даражали 
тайёрлашнинг илмий-тадқиқот фаолияти икки босқичли тизимни назарда тутади, биринчи поғона уч 
йилдан кам бўлмаган давомийликдаги таълим (бакалавриат) ва иккинчи поғона бу магистратура[1].
АҚШ ва Канада
. Ушбу мамлакатларда олий таълим тизимининг магистратураси(академик ва 
профессионал) мутахассиснинг бакалавр тайёргарлиги асосида амалга оширилади. Магистратурага 
кириш учун одатда бакалавр дипломи етарли, бироқ айрим олий ўқув юртлари(Канада)га қўшимча
тайёргарликни талаб қилади. Академик магистратурага ўқишни давом эттиришни хоҳлаганларни ва 
фан доктори (1,5-2 йил) даражасини оладиганларни танлаб олади. Профессионал магистратура
амалий фаолият кўрсатувчи битирувчиларни тайёрлашга йўналтирилган, бу ерда таълим бир йилдан 
уч йилгача давом этади. Магистратурада ўқув йили одатда иккита семестрдан иборат: кузги ва 
бахорги (15-18 ҳафта бўйича). Семестрни давомийлиги тўрт ой атрофида. Таълим мазмуни мустақил, 
ижодий ва шахснинг рақобатбардошлик тайёргарликка йўналтирилган. Ўқув жараёнидаги илмий-
тадқиқот лабораторияларида мустақил ишлар жуда кўп бажарилади. Бундай интеграция 
магистрларнинг илмий ишлар ўтказишда илмий-тадқиқот малакаларини сифатли шакллантиришнинг 
имконини беради. 
Буюк Британияда
магистратура – бу йўналишларни чуқурроқ ўрганиш имкониятини берувчи олий 
таълимдан кейинги таълим. Англия университетларида магистратурада таълим олишнинг 

---

44 
давомийлиги бир йилдан 3 йилгача. Таълим иккита дастур бўйича, тадқиқот фаолиятига (research) ва 
битта мутахассислик(taught) даражасини ошириш бўйича олиб борилади. Магистратурага кириш 
учун аналитик реферат ва мутахассисликнинг муҳим муаммолари бўйича ёзма ишни ўз ичига олган 
мажбурий имтиҳон топшириш талаб қилинади. Магистратура таълими даврида талабаларнинг 
илмий-тадқиқот ишлари бошқа ўқув ишларига қараганда кўпроқ бўлади.