2- ma’ruza: turizmda transport vositalarining infratuzilmasi reja

«NAMANGAN» aeroporti. Farg‘ona vodiysining shimoli-sharqiy qismida 1 million 862 ming aholiga ega Namangan viloyati joylashgan. U yirik sanoat mintaqasi bo‘lib, neft, tilla, mis, qo‘rg‘oshin, kvars va surma konlariga boy. Bu yerda katta mashinasozlik korxonalari, avtomobillarni ta’mirlovchi sexlar, ximiya zavodlari faoliyat ko‘rsatadi.  Paxta  va ipak tolasi, charm mahsulotlarini ishlab chiqarish ham yo‘lga qo‘yilgan. Xalq hunarmandchiligi rivojlanib, chet el investitsiyalari jalb etilgan bir necha korxonalar faoliyat ko‘rsatayapti. Aviatsiya infratizilmasi ham rivojlangan.

Namangan aeroporti kunu tun xizmat ko‘rsatib, "O‘zbekiston havo yo‘llari" Milliy aviakompaniyasi hamda MDH davlatlari kemalari uchun «zahira»  aeroportri vazifasini o‘taydi. Namangan aeroportidan texnik  jihatdan yordam beruvchi a’roport sifatida foydalanish mumkin. Bu yerda havo kemalariga yer ustida xizmat ko‘rsatishning barcha turlari, yo‘lovchi va yuk tashuvlariga tijoriy xizmat ko‘rsatish va unga taaluqli qo‘shimcha xizmatlar ham amalga oshiriladi.

Boing-767/757, A-310, Il-62, Il-76TD, TU-154, RJ-85 hamda boshqa  rusumli havo kemalari qabul qilinadi. Aerovokzal soatiga 200 yo‘lovchiga xizmat ko‘rsatish imkoniyatiga ega. Hozirgi paytda «Namangan»  aeroportidan  Toshkent, Moskva, Sankt-Peterburg shaharlariga qatnovlar amalga oshiriladi. Bu yerda «Gromov Eyr» va  «Uralskiye avialinii» aviakompaniyalari havo kemalariga xizmat ko‘rsatiladi. Oxirgi yillarda yo‘lovchilar oqimi ko‘payib borayapti. 2004 yilda 11412 yo‘lovchi jo‘natilgan bo‘lsa 2005-yilning birinchi yarmida 11706 yo‘lovchiga xizmat ko‘rsatildi.

Aeroport  shahar markazidan 12 kilometr uzoqda joylashgan bo‘lib, yo‘nalish taksilari xizmat ko‘rsatadi.  Hozir yo‘lovchilarga xizmat ko‘rsatishni zamonaviy talablar va "O‘zbekiston havo yo‘llari" nufuziga taalluqli darajaga ko‘tarish maqsadida aerovokzal majmuasi qayta ta’mirlanayapti.