2- kurs III semestr

Aniqlash tartibi. Aniqlangan qonni 2-3 marta takroran so’rib olib va qayta chiqarish orqali chuqurchali plastinka ustida reaktiv bilan aralashtiriladi. Ushbu xatti-harakatni rezina ballon yordamida amalga oshiriladi. Kapillyarga reaktiv bilan aralashgan qondan "O" (K) belgiga qadar olinadi, kapillyarning yuqori teshigini ikkinchi barmoq bilan berkitiladi va uni toraygan uchini qondan tozalab tekshirilayotgan shaxsning ismi, otasining ismi, tekshirish kuni yozilgan qog’ozni teshib kapillyarga ilib qo’yiladi. Panchenkov apparatini chap qo’lda ushlab turib, kapillyar uchi bilan asbobda joylashtirilgan rezinkalardan birini bosiladi; kapillyarning yuqori teshigidan barmoqni olib kapillyarni, to tiqilib kirgunicha suriladi va uning yuqori uchi ham rezinkaga taqaladi, xosil bo’lgan germetizasiya tufayli qon oqib ketmaydi. Qon tutgan kapillyar Panchenkov apparatiga joylashtirib bo’lingan daqiqadan boshlab 1 soat davompda EChT hisobga olina boshlanadi. Buning uchun eritrotsitlarning cho’kishi natijasida xosil bo’lgan plazma qatlami shkalani qancha bo’linmalarini tashkil etgani hisoblanadi. Natija 1 soat ichida millimetr hisobida (mm/soat) ifodalanadi. Normada EChT (Panchenkov bo’yicha) erkaklarda 1 - 10 gacha mm/soat, ayollarda esa 2-15 mm/soatni tashkil etadi.
EChT ortishi yallig’lanish, o’sma kasalliklarida, revmatizm (bod), o’tkir leykoz, mielom kasallik, anemiya, glomerudonefrit, uremiya kasallikdarida kuzatiladi. EChTning kamayishi esa eritremiya, o’roqsimon xujayrali anemiya, kuyishlarda, o’lat vaqtida, tug’ma yurak poroklarida va h. k. larda kuzatiladi.

5. 
   Eritrotsitlarni, leykotsitlarni sanash
   

Eritrotsitlar va leykotsitlar sonini aniqlash uchun qopni olish va tayyorlash. Eritrotsitlar va leykotsitlarni hisoblashda ikki usuldan foydalaniladi:
1) Hisoblash kamerasidan;
2) Avtomatik hisoblashdan.
Eritrotsitlar va leykotsitlar sonini hisoblash kamerasida sanash uchun serologik probirkaga (unga oldindan 4 ml natriy xlorid izotonik eritmasi quyilgan va agglyutinatsiya probirkasiga (0.4 ml 3% sirka kislotasini tutgan) Sali gemometrining ikkita alohida kapillyari bilan chuqurchali plastinka yoki botig’i bo’lgan buyum oynasiga joylashtirilgan qondan 0,02 ml o’lchab serologik probirkaga quyiladi. Bu bilan serologik probirkada (eritrotsitlar uchun mo’ljallanilgan) 200 marta suyultirishga, agglyutinasiya probirkasida esa (leykotsitlar uchun) 20 marta suyultirishga erishiladi.