2- kurs III semestr

Eritrotsitlar va leykotsitlar soni avtomatik hisoblagichda aniqlanadi (sobiq Ittifoqda eritrotsitlar va leykotsitlarni hisoblash uchun konduktometr gemositometr - GSMK-3 dan foydalanib kelingan va undan foydalanish asbobga berilgan tegishli ko’rsatmalar bo’yicha amalga oshirilgan).
Hisoblash uchun barmoqdan 0,02 ml qon olinib, oldindan 4 ml dan steril natriy xlorid izotonik eritmasi qo’yilgan ikkita probirkaga quyiladi. Bu orqali birlamchi suyultirish (1:200) ga erishiladi.
Probirkalar yopilgan xolda xona haroratida bir necha soat saqlanishi mumkin. Eritrotsitlarni bevosita hisoblashdan oldin ikkilamchi suyultirma tayyorlanadi: 25 ml xajmli kimyoviy stakanga 20 ml natriy xloridning izotonik eritmasi quyiladi va oldindan yaxshilab aralashtiriladi.
Leykotsitlarni hisoblash uchun suyultirilgan qon gemolizlanadi. Buning uchun probirkaga 0,1 ml 2% saponin eritmasi qo’shiladi va ehtiyotkorlik bilan aralashtiriladi. Gemolizlangan qonni 12 ml natriy xloridning izotonik eritmasi solingan kimyoviy stakanga quyiladi, suyuqlikni bir necha marta stakandan probirkaga qayta-qayta quyib yaxshilab aralashtiriladi. Ikki daqiqa o’tgach hisoblashga kirishiladi.
Gorayev hisoblash kamerasini o’rganish va uni ishga tayyorlash.
Sobiq Iggifoqda eritrotsitlar va leykotsitlarni hisoblash uchun Gorayev hisoblash kamerasidan foydalanib kelingan. U to’g’ri burchakli, qalin, tiniq ikki xil oynadan iborat, bo’lib ushbu oynaning yon tomonida asosiy ko’rsatkichlar va hisoblash kamerasining nomm yozilgan bo’ladi. To’rlar suyuklik oqib ketmasligi uchun ko’ndalang chuqurchalar bilan bir-biridan ajratilgan. Ikki chuqur ko’ndalang chuqurchalar orqali to’rlar to’g’ri burchakli plastinkalar bilan bir-biridan ajratilgan bo’ladi, ularga silliqlangan qoplovchi oyna ishqalanib joylashtirilgan bo’lib, ushbu to’g’ri burchakli oyna plastinkalarining sathi kameraning to’rlari belgilangan qismidan 0,1 mm yuqorida Gorayev kamerasining to’ri perpendikulyar ravishda o’tgan chegaralovchi sifatidagi chi-ziqlar yordamida xosil qilingan. Unda 3600 ta kichik (tomoni - mm ning 20/1, maydoni-400/1 mm², hajmi- 4000/1 mkl) va 225 ta katta kvadratlar (tomoni 5/1 mm², maydoni-25/1 mm², hajmi - 250/1 mkl) bor. Butun to’rning gomoni-3 mm, maydoni - 9 mm², hajmi - 0,9 mkl; kamera balandligi, silliq yopqich oyna joy-lashtirilganda xosil bo’luvchi balandlik 0,1 mm ga teng.
Gorayev kamerasining to’rini avval kattalashtirib (okulyar- 10 x, ob'ektiv-8 x) va kondensor tushirilgan xolda o’rganiladi. Kamera mikroskopning buyum kursisiga o’rnatiladi. Okulyar orqali kuzatib, kamera to’ri topiladi, uning ifodasi aniq belgilanadi, to’rning yuqori chap burchagini ko’rish maydoniga to’g’grilab joylashtiriladi. Oynani chap qo’l bilan surib, ketmat-ket ayrim xolda kichik va katta kvadratlarni aniqlab o’rganiladi. Ularning guruxdarini qarab chiqilali va unda to’rning butun maydoni o’rganilishi shart.