2- kurs III semestr

Hamshira parvarish rejasini amalga oshirish - bunda hamshira parvarishi reja asosida amalga oshiriladi: bajarilgan barcha ishlar qayd qilinib boriladi.
Hamshiralik parvarishi natijalarini baxolash - bunda hamshiralik parvarishi natijasida qo’lga kiritilgan natijalar taxlil qilinadi. (Bemor tomonidan mavjud bo’lgan shikoyatlarning kamayishi yoki yo’qolishi.)
Agar barcha maqsadga erishilsa, sana va vaqt qayd qilib qo’yiladi. Aksincha bo’lsa, buning sabablari aniqlanadi, bartaraf etish yo’llari belgilanadi va parvarish rejasiga o’zgartirish yoki qo’shimchalar kiritish zarur xisoblanadi. O’qituvchi dars jarayonida yuqoridagi "Hamshiralik ishi jarayoni"ni o’quvchilarga to’liq tushuntirib beradi va nazariy darsda olgan bilimlarini mustaxkamlab, nazorat qilib boradi.
So’ngra bemorlarni tashxisot va davolash usullariga tayyorlash borasida tushuncha beriladi. Bunda avvalo nafas olish tizimi kasalliklarini laboratoriya va asboblar yordamida tekshirish usullarini sanab o’tish kerak.
O’quvchilar qo’shimcha tekshirish usullarini o’tkazishni yaxshi o’rganishlari va uning natijalarini diqqat bilan kuzatishlari kerak (balg’am miqdori, konsistensiyasi, xarakteri, qon taxlili natijalar rentgenologik tekshirish va tashqi nafas natijalarini aniqlash).
O’quvchilar bemorlar bilan ishlayotganda tibbiy etika va deontologiyaqoidalariga amal qilishlari zarur. Qaysi bir tashxisot usuli o’tkazilishi kerak bo’lsa, tashxisot usulining moxiyati, axamiyati, muximligi va o’tqazish tartibi xaqida bemorga tushuntirish o’tkazish xaqida o’quvchilarga ma'lumot beriladi.
O’pkaning surunkali kasalliklarida balg’am yiringli va ayrim paytlarda qo’lansa xidli bo’ladi, bunday paytlarda hamshira ijirg’anmasdan unga yordam berishi zarur.
Qonli balg’am unga tushgan qonning miqdori va sifatiga ko’ra xar xil ko’rinishga ega. Balg’amning taram-taram bo’lib yorilishi yo'ki qotib qolishi tuberkulyozda, o’pka shishida, bronxlar kengayishida bo’ladi. Zangsimon balg’am o’pkaning krupoz yalliglanishda bo’ladi. Qizil balg’am o’pkaning parchalanayotgan shishlarida bo’ladi. Jigar rang yiringli balg’am o’pka yiringlaganda va yiring bog’lagan yaraning parchalanishida kuzatiladi.
Davolash usullarining o’tkazilishidan maqsad, uning ta'sir mexanizmi, bemor uchun qay darajada zarurligi va asoratlari (nojuya ta'siri), qabul qilish qoidasi xaqida bemorga tushuntirish o’tkaziladi.
Ingalyatsiya, elektrso’rg’ich, fizioterapiya, oddiy fizioterapiya va simptomatik davo chora-tadbirlari xaqida bemorga tushuntirish o’tkaziladi.
Yuqori nafas olish yo’llarining yalliglanishi va balg’amni ajralib chiqishining qiyinlashishi ingalyatsiyani qo’llashga ko’rsatma bo’lishi xam aytib o’tiladi.
So’ngra o’qituvchi mavzu bo’yicha oldindan tayyorlangan "muommali masala" ni o’quvchilarga tarqatib, hamshira tashxisi va hamshira parvarishi rejasini tuzish topshirig’ini beradi va natijasiga qarab mavzuni o’zlashtirish darajasini aniqlaydi. Mashg’ulot davomida yiqqan ballari va"muommali masala" yordamida yuritgan hamshigalik jarayoniga qo’yilgan ballarni jamlab, o’quvchi bilimiga baxo qo’yib e'lon qilinadi.