1.Ўзбекистон тарихи фанининг предмети, назарий – методологик асослари, манбалари ва аҳамияти

193. Ўзбекистоннинг минтақадаги экологияни муҳофаза қилиш ва атроф-муҳитни асраб-авайлаш борасида БМТ билан ҳамкорлиги.
Ma'lumki, O'zbekiston Respublikasi Prezidenti Islom Karimov Shanxay Hamkorlik Tashkilotining (SHHT) 2007 yil 16 avgustda Bishkekda bo'lib o'tgan sammitida Markaziy Osiyoda suv resurslaridan oqilona foydalanish bo'yicha asosiy prinsip va yondashuvlarni belgilab bergan edi. Istambul anjumanida delegatlarning muhokamalari va chiqishlarida, shuningdek, forumning yakuniy hujjatlarida mintaqamizni rivojlantirish borasidagi ushbu o'ta muhim masalada O'zbekiston nuqtai nazarining asosli ekani yaqqol tasdiqlandi va to'liq qo'llab-quvvatlandi.
Xususan, BMT Bosh Assambleyasi Prezidenti Migel d'Eskoto Brokmanning forum ishtirokchilariga yo'llagan bayonotida "suvni xususiylashtirish bilan shug'ullanib, uni neft singari tovarga aylantirayotganlar odamlarni biz nafas olayotgan havo kabi muhim huquqdan mahrum etayotgani" ta'kidlangan.
BMT Bosh Assambleyasi Prezidenti bu borada Jahon banki ma'lumotlarini keltirdi. Ushbu ma'lumotlarga ko'ra, 2025 yilda dunyo aholisining uchdan ikki qismi yetarlicha toza suvdan foydalana olmaydi va shu munosabat bilan quyidagilarni qayd etdi:
"Biz bebaho hayotiy manba hisoblangan suvga nisbatan tor doiradagi, manfaat ko'rish maqsadida boshqariladigan yondashuv nafaqat insoniyatni, balki sayyoramizdagi butun hayotni boshi berk ko'chaga solib qo'yishini tan olishimiz lozim".
BMTning Oziq-ovqat va qishloq xo'jaligi tashkiloti (FAO) prezidenti J.Diof ham ushbu fikrni to'liq qo'llab-quvvatladi va "suvdan foydalanish huquqi insonning asosiy huquqi hisoblanishi va uni ushbu huquqdan mahrum qilishga hech kimning haqi yo'qligini" alohida ta'kidladi.
– Suv inqirozi energetika va moliyaviy inqirozdan ko'ra xavfliroq, – dedi J.Diof. Yevropa Ittifoqiga raislik qilayotgan Chexiya Respublikasining atrof-muhit masalalari bo'yicha vazirining o'rinbosari Yan Dusik suv resurslaridan foydalanishda xalqaro huquqning muhimligiga e'tibor qaratdi.
– Suvdan faqat o'z manfaati uchun foydalanish mumkin emas, barcha davlatlar BMT qabul qilgan Xalqaro konvensiyalar prinsiplariga tayanishi lozim, – dedi Yevropa Ittifoqi nomidan so'zga chiqqan Yan Dusik.