1Mavzu: Reanimatsiya va intensiv terapiya haqida tushuncha. Terminal holatlar. Elementar ópka – yurak reanimatsiyası

Elektrokardiografiya va monitor kuzatuvi

EKG olish texnikasi: aniq EKG yozuvi olish uchun elek-trod bemor terisiga yaxshi tegib turishi kerak va bemor elektr o‘tkazgichlardan 1,5–2 m uzoqlikda bo‘lishi kerak. Elektrodlar oyoqqa (boldirning pastki 1/3 qismiga) va qo‘lga (bilakning past-ki 1/3 qismiga) teri spirt bilan yaxshilab tozalangach taqiladi. Elektrod ostiga natriy xlorning 5–10% li eritmasiga shimdirilgan salfetka qo‘yiladi yoki tok o‘tkazuvchi maxsus pastalar surtiladi.

Ko‘krak elektrodlari teriga vakuum hisobiga yopishtiriladi, keyin elektrodlar elektr simlar yordamida elektrokardiografga ulanadi (qizil o‘ng qo‘ldagi elektrodga, sariq chap qo‘lga yashil chap oyoqqa, qora rang o‘ng oyoqqa).

Elektrokardiograf 5 daqiqa davomida qizdiriladi va kerakli tezlikka qo‘yiladi (25 yoki 50 mm/soniya). Uzatmalar muruvati 0 holatiga qo‘yiladi. Maxsus kalibr tugmachasi bosilib, lenta tortish mexanizmi ishga tushiriladi.

Uzatmalar muruvati holati o‘zgartirilib standart I, II, III va kuchaytirilgan bir qutbli aVR (o‘ng qo‘ldan) aVL (chap qo‘ldan) aVF (chap oyoqdan) uzatmalar yoziladi.

Bir qutbli ko‘krak uzatmalari, muruvatni «V» holatiga kelti-rilib, ko‘krak elektrodi quyidagi joylarga qo‘yiladi:

V₁ – To‘sh suyagining o‘ng qirg‘og‘i to‘rtinchi qovurg‘a orasiga.

V₂ – To‘sh suyagi chap qirg‘og‘i to‘rtinchi qovurg‘a oralig‘iga.
V₃ – V₄ va V₂ ni tutashtiruvchi chiziqning o‘rtasiga.
V₄ – Chap o‘rta o‘mrov chizig‘i bo‘yicha beshinchi qovurg‘a oralig‘iga.

V₅ – Chap oldingi qo‘ltiq osti chizig‘i bo‘yicha beshinchi qo­ vurg‘a oralig‘iga.

V₆ – Chap qo‘ltiq osti o‘rta chizig‘i bo‘yicha beshinchi qovur­ g‘a oralig‘iga.

Bemor karavotning temir qismiga tegmasligi kerak. Elektro­ kardiograf va bemor yotgan karavot yerga ulanishi kerak. Agar bemor sun’iy nafas apparatida bo‘lsa, apparat yerga ulanishi yoki qo‘lda (Ambu) sun’iy nafas berilishi kerak.