1Mavzu: Reanimatsiya va intensiv terapiya haqida tushuncha. Terminal holatlar. Elementar ópka – yurak reanimatsiyası

Obyektiv ko‘rikda: bemor juda bezovta, kuchli og‘riqdan o‘zini qo‘yarga joy topolmaydi, o‘lim vahimasiga tushadi. Teri, ko‘zga ko‘rinarli shilliq qavatlar oqargan, akrosianoz paydo bo‘lishi ham mumkin. Puls – bradikardiya, taxikardiya ayrim hollarda aritmiya bo‘ladi. Auskultatsiyada yurak tonlari bo‘g‘iq eshitiladi. Arterial qon bosimi pasayadi. Yurak chegaralari perkussiyada chap tarafga kengaygan holatda bo‘ladi.


Miokard infarktining atipik shakllari.

1. 
   Abdominal (gastral) ko‘rinishi. Og‘riq epigastral sohada bo‘lib, qayd qilish, ko‘ngil aynishi, ich ketishi, oshqozon-ichak parhezi bilan kechishi mumkin. Qorin palpatsiyasi og‘riqli bo‘ladi.
   

2. 
   Astmatik ko‘rinishi. Og‘ir hansirash, bo‘g‘ilish, pushti rang balg‘amli yo‘tal bilan kechadi.
   

3. 
   Kollaptoid shakli. Kardiogen shok belgilari bilan kechadi
   

– gipotenziya, bosh og‘rishi, ko‘z oldi qorong‘ulashishi. Sovuq terlash.

• 
  Shishli shakli. Hansirash, kamquvvatlik, shish, assit, gepato­ megaliya, ya’ni o‘ng qorincha yetishmovchiligi belgilari kuzatiladi.
  

• 
  Aritmik shakli. Ekstrasistoliya, paroksizmal taxikardiya, titroq aritmiya.
  

• 
  Serebral shakli. Miyada qon aylanishi buzilishi bilan kecha­ di. Bosh aylanish, ko‘ngil aynish, qayd qilish, hushini yo‘qotish.
  

• 
  Sust simptomli (klinik belgili). Kamquvvatlik, terlash.
  

Asoratlari:

• 
  Aritmiyalar.
  

• 
  Kardiogen shok.
  

• 
  O‘tkir yurak yetishmovchiligi.
  

• 
  Perikardit.
  

• 
  Yurak yo‘rilishi.
  

• 
  Dressler sindromi.
  

Kardiogen shok

Kardiogen shok – miokard qisqaruvchanlik qobiliyatining buzilishi natijasida yurak zarb hajmining keskin kamayishi va miokard mushaklarining kislorod bilan to‘yinishining buzilishi oqibatida rivojlangan patologik holat hisoblanadi.

Kardiogen shokning asosiy sababi miokard infarktidir. Miokard mushaklarining nekrozga uchragan qismi qisqarish jarayonida ishtirok etmaydi, agarda 40% va undan ko‘p maydon qisqarishda ishtirok etmasa, kardiogen shok rivojlanadi. Natijada yurak zarb hajmi kamayadi. Bu o‘z navbatida qorinchalarda bosim ortishiga va qorinchalarning kengayishiga olib keladi. Qorinchalar yetishmovchiligi arterial bosimning pasayishiga va kichik qon aylanish sistemasi gipertenziyasiga (o‘pka shishi) sabab bo‘ladi.

Kardiogen shokning turlari:

–– Reflektor.

–– Chin (haqiqiy) shakli. –– Areaktiv.

–– Aritmik.