1bob. XVII-XVIII asr koreys adabiyotiy

1.2Koreys tilidagi “chan-sichjo" she'riyati.
Xanmundagi she'riyat Vatanparvarlik - XVII asr koreys tilidagi she'riyatda muhim mavzulardan biri. Asrning o'rtalarida Xitoy manchjurlari bilan tinchlik muxoliflarining she'rlari alohida diqqat-e'tiborga sazovor bo'lgan. Xon Ikkan (1586-1637), Li Myonxan (1595-1645), Kim Sanxon (1570-1652) kabi shoirlar o'z she'rlarida taxtdan tushirilgan min sulolasiga sodiq bo'lib qolishga chaqirganlar.
Shouyan tog'laridan oqib kelayotgan suvlar
Bo-I va Shu-sining g'amgin ko'z yoshlari.
Kechasi ham kunduzi ular tinimsiz
Davlatga sadoqat haqida shovullaydilar.
Xon Ikkanning bu she'ri XV asr shoiri Son Sammunning "Shouyan tog'lariga qarayman" sichjosiga o'xshash. So'nggi zikr etilgan she'rda ham mavzu XV-XVI asrlarda mashur bo'lgan umumiy obrazlar vositasida yoritilgan. Mamlakatdagi vaziyatning o'ta beqarorligi (bosqinchilik urushiari natijasida xalqning xonavayron bo'lishi, manchjurlar talab qilgan misli ko'rilmagan miqdorda soliqlat saroy partiyalari o'rtasidagi kurashning kuchayishi va h.k) peyzaj she'riyatining rivojlanishini rag'batlantirgan. Bu turdagi she'rlar jamiyatda hukm surgan tartibdan norozilikni ifodalash shakllaridan biriga aylangan. Tabiat tasviriga eng avvalo sichjo janrida ijod qilgan shoirlar murojaat etganlar. Tan olingan peyzaj ustalaridan biri taniqli davlat arbobi va shoir Sin Xim (1566-1628) dir.
Eshitdim-tunda kuchli sel yog'di.
Chiqdim-anorning barcha gullari ochilibdi.
Nilufarlar o'sgan ko'l uzra osilgan yaproqlarda
Billur tomchilar pardasi yaltirayapti.
Ga'mgin o'ylardan asar ham qolmadi.
G'am-hasrat tarqaldi, ko'ngil ochildi.
"Daryolar va ko'llar" she'riyati mualliflari orasida Kim Gvanuk (1579-1656) ham alohida ajralib turadi. Ammo sichjo janridagi peyzaj ustasi Yun Sondo (taxallusi Ko San) (1587-1671) koreys she'riyatida alohida o'rin egallaydi. Uning ijodida qadimgi koreys she'riyati xyanga va jonli xalq qo'shiqlari, xitoy klassik o'qimishligi va yangi davr ruhi o'zining uyg'un ifodasini topgan. Uning turkumlarga birlashtirgan sichjolari orasida eng sarasi qirq sichjodan iborat "Baliqchining yil fasllari" turkumidir. Mana she'rlaridan biri: turkum