1.“Avesto” kitobi – Vatanimiz tarixini o’rganishda muhim manba. “Avesto”

96.Mustaqillik yillarida O’zbekistonda huquqiy davlat va fuqarolik jamiyati asoslarini shakllantirishda ommaviy axborot vositalarining roli. Respublikamiz Prezidenti Islom Karimov “Kuchli davlatdan – kuchli fuqarolik jamiyati sari”¹ degan shiorni kun tartibiga qo`ydi.
O`zbekistonda huquqiy demokratik davlat qurish va adolatli fuqarolik jamiyatini shakllantirishdek ezgu maqsadlarni ro`yyobga chiqarish yo`lida jamiyatimiz a`zolarini xolis, tezkor va haqqoniy axborot bilan ta`minlashda ommaviy axborot vositalarining o`rni va mavqei tobora mustahkamlanib bormoqda.
“Ommaviy axborot vositalari to`g’risida”gi qonunning 11-moddasida qayd etilishicha: “O`zbekiston Respublikasining yuridik va jismoniy shaxslari ommaviy axborot vositalarini ta`sis etish huquqiga egadirlar. Ommaviy axborot vositasi bir necha muassis tomonidan ham ta`sis etilishi mumkin”.<sup>2</sup> ayni paytda, mamlakatimizda yuzdan ziyod nodavlat ommaviy axborot vositasi faoliyat ko`rsatayotgani ham, ko`p jihatdan, ana shu imkoniyat samarasidir.
Istiqlol tufayli fuqarolarimizning dunyoqarashi, tafakkuri, huquqiy ongi va madaniyati tubdan o`zgardi. Ularning ijtimoiy-siyosiy faolligi oshdi. Jamiyatda yuz berayotgan o`zgarishlarga befarqlik munosabatidan voz kechilmoqda, manfaatdorlik hissi qaror topmoqda. Demokratik ko`nikmalar fuqarolarimiz hayot tarziga tobora chuqur singib bormoqda. Vatandoshlarimizning davlat va jamiyat hayotida faol ishtirok etishi esa, o`z navbatida, jamiyatimizni yanada demokratlashtirish, erkinlishtirish va fuqarolik institutlarini shakllantirish bilan chambarchas bog’liq.
Ommaviy axborot vositalari ishini, jurnalistlar hayoti va faoliyatini har tomonlama qo`llab-quvvatlash muhim va mustaqillikni mustahkamlashda alohida ahamiyat kasb etadi. Jamiyatni demokratlashtirishda ommaviy axborot vositalari rolining ortib borishi. O'zbekiston Mustaqillikka erishgandan so'ng ijtimoiy hayotning boshqa sohalari qatori ommaviy axborot vositalariga ham yangicha munosabat vujudga keldi. Buning boisi shunda ediki, O'zbekistonda qurilayotgan o'ziga xos, o'ziga mos yangi jamiyat ommaviy axborot vositalari oldiga yangi vazifalar qo'ymoqda edi.