1998 yili Muhammad Yusufga "Oʻzbekiston xalq shoiri" degan yuksak unvon berildi

X U L O S A
Hozirgi o‘zbek adabiyotida keyingi bir asrlik davr, jumladan, mustaqillik yillarida ijod qilgan shoirlar, Cho‘lpon, Fitrat, Oybek, G’.G’ulom, H.Olimjon, Uyg’un, Habibiy, Charxiy, Sobir Abdulla, Akmal Po‘lat, Vosit Sa’dulla, Abdulla Oripov, Omon Matjon, Muhammad Yusuf ijodida barmoq vaznida yozilgan murabba’lar alohida ilmiy tadqiqot obyekti bo‘lmadi. To‘g’ri, ularning ijodi haqida, asarlarining g’oyaviy mazmuni to‘g’risidagi tadqiqotlarda u yoki bu tarzda ma’lumot berilgan bo‘lsa-da, murabba’ janri alohida o‘rganilmadi va shu nuqtai nazardan A.Oripov va M.Yusuf murabba’larining o‘ziga xos xususiyatlarini yoritishga harakat qilindi.
Ishda A.Oripov va Muhammad Yusuf ijodlarida murabba’ janrining o‘rni va ahamiyati haqida fikr yuritildi. Chunki bu janr xalq qo‘shiqlari, laparlari, aytishuvlariga yaqin, sho‘x, o‘ynoqi. Muhammad Yusuf o‘zining oltmishga yaqin murabba’lari bilan xalq qalbidan joy oldi. Ularning barchasi qo‘shiqqa aylandi. Ana shularning mazmun mohiyati quyidagicha ilmiy tahlil qilindi.
Birinchidan, Abdulla Oripov va Muhammad Yusuflarning murabba’ janridagi she’rlari alohida holda o‘rganilib, uning mazmun mundarijasi va mavzulari aniqlanib.
Ikkinchidan, shoirlar ijodidagi murabba’ janrining o‘ziga xos badiiy xususiyatlarini ochib berildi.
Uchinchidan, Abdulla Oripov va Muhammad Yusuflarning bu janr imkoniyatlaridan foydalanib, o‘z fikr g’oyalarini yangicha bayon qilganligi aniqlandi.
To`rtinchidan, Abdulla Oripov va Muhammad Yusuf ijodi misolida o‘zbek she’riyatida murabba’ janrini bugungi kundagi o‘rnini belgilab berildi. Bu nafaqat o‘zbek adabiyotida, balki turkiy xalqlar adabiyotidagi (ozarbayjon, turkman, qozoq, qirg’iz) bu janrning hozirgi o‘rniga baho berish va buning sabablarini o‘rganishga yordam beradi.
Beshinchidan, turkiy xalqlar she’riyatida o‘ziga xos o‘ringa ega bo‘lgan murabba’ janrining va bugungi kunda bu janrda yaratilgan badiiy asarlarning insonparvarlik ruhidagi tarbiyaviy ahamiyatini kitobxonlarga, o‘quvchilarga yetkazish, tushuntirishga yordam beradi. Komil insonni tarbiyalashga yanada e’tibor qaratiladi deb o`ylaymiz.