188-matkab psixologi N. Tuxliboyeva 201-matkab psixologi N. Maхmudjonova

Mavzu:
O’z kelajagim - o’z qo’limda.
Toshkent shahri Chilonzor tumanida bo’lib o’tgan “O’quvchi-yoshlarning ijtimoiy-psixologik muammolari va ularning yechimlari” mavzusidagi seminar materiallaridan
Tayyorladi:
188-matkab psixologi N.Tuxliboyeva
201-matkab psixologi N.Maхmudjonova

Tanishuv treningi

- Siz o’zingizni mashxur insondek tasavvur qiling va buni tanishtiruv orqali o’zingizda namoyon etib bering (So’zlar, harakatlari, ovoz tonlari, fantomimika). Qolgan ishtirokchilar sizni kimligingizni aniqlab berishsin.

- Yaxshi nom qo’yish,

- Yaxshi nom qo’yish,

- yaxshi muallim qo’liga topshirib,

- savodini chiqarish;

- ilmli, kasbli-hunarli qilish; - boshini ikki va uylij-oyli qilish katta savob!

Birinchi Prezidentimiz Islom Abdug’aniyevich Karimovning
Barkamol avlod O’zbekiston
Taraqqiyotining poydevori.
Prezidentimiz Mirziyoyev Shavkat Miromonovich
2017 yil 8 – avgustda
PQ 3180 - sonli qarorlariga binoan, “Yuqori sinflarda bolalar shaxs bo’lib, jamoa bo’lib shakllanadi. Ayni o’sha paytda ularni o’zlari o’rgangan muhitdan ajratib qo’ymaslik kerak. Bu yoshlarning ruhiyatiga, davomatiga, oxir oqibatda ta’lim – tarbiyasiga salbiy ta’sir qilishi mumkin. Shu bois har doim oila va maktab o’rtasidagi hamkorlikni yanada rivojlantirish kerak”
Hammamizga ma’lum, prezidentimiz tashabbuslari bilan ta’lim tizimiga turli o‘zgartirishlar kiritilyapti. 12 yillik majburiy ta’lim o‘zini oqlamadi. Keling, bugun bu tizim nima sababdan bunday bo‘lganligi haqida gaplashishdan yiroqmiz. Bugun biz 10-11 sinf o‘quvchilarida o‘z umrlarida orzu-umidlari va ularga erishish uchun maqsadni to‘g‘ri qo‘ya olishlariga o‘rgatish haqida gaplashamiz.
Tasavvur qiling, sizga orzu bilan maqsad orasidagi farq haqidagi savol bilan murojaat qilishdi. Qanday javob bergan bo’lar edingiz?
Men shifokor bo’lmoqchiman! Bu narsa orzu, maqsad emas. Biz orzu qilayotganimizda ichki istak va xohishlarimizni ifoda etamiz. Orzu o’z-o’zidan yuzaga kelmaydi. Uning doimo o’z motivatori bo’ladi. Agar yaxshilab o’ylab qarasangiz, qachondir, nimanidir orzu qilganingizda sizga nimadir yoki kimdir motivatsiya bergan bo’lib chiqadi.
Inglizlar “Nima olmoqchiligingni cho’ntagingdan so’ra” deyishadi, demak biz ham qanday mashina yoki qachon olishimizni cho’ntagimizdan so’raymiz. Tasavvur qilaylik, oylik oilaviy sof daromadim 500-600$ ni tashkil etadi. Agar bir yil davomida ikkilamchi, uchlamchi ehtiyojlarimni cheklasam yil oxiriga borib 6000-7200$ pul jamg’arishim mumkin ekan. Lekin qaysi mashinani qanchaga olishni bilmayman-ku! Demak, bir yil davomida mashina bozorga chiqib mashinalarning narxi, qaysi mashina qanday, qancha ekanligi haqida surishtirib boraman. Internet saytlaridan mashina savdosi bilan shug’ullanuvchi saytlarni kuzataman. Zavoddan chiqqan yangi mashina olamanmi yoki mashina bozordan foydalanilgan mashina olamanmi? Bu borada mashinani yaxshi tushunadigan tanishlarimdan maslahat olaman. Deylik, bitta mashina turi menga yoqdi, lekin uning minimal narxi 9000$ dan kam emas ekan, bu esa mening bir yillik pulim yetmasligini ko’rsatadi. Oldimda bir nechta yo’l turibdi: birinchisi, pulim hisobga yetishini kutaman; ikkinchisi, qarz olishim mumkin (lekin, kimdan?); uchinchisi, to’playotgan jamg’armamnibir yil ichida ko’payitirish yo’llarini ko’rib chiqaman; to’rtinchisi, bankdan kredit olishim mumkin; beshinchisi, balki ko’rpamga qarab oyoq uzatarman va h.k.
Ko’rinib turibdiki, orzu maqsadga aylanishi uchun unga muddat belgilanishi, unga eltuvchi vositalar, usullar, choralar to’liq ishlab chiqilishi lozim. Omillarning biz uchun foydalilik va erishish darajasi osonligiga qarab ketma-ketlikda ajratib chiqishimiz zarur. Mana shundagina har qanday orzuni maqsadga aylantirsa bo’ladi. Uning qanchalik kichik yoki katta ekanligining ahamiyati yo’q. Shu bilan birga orzuni maqsadga aylantirishda yuqoridagi omillar bilan birgalikda biz uchun eng muhim bo’lgan yana bir jihat mavjud-ki, bu o’z maqsadingizga ishonishingiz va unga qahramonlarcha harakat qilishingizdir.