|
2. Demokratik jamiyat qurishda inson va shaxs erkinligi, faolligini yuksaltirish.
O’zbekiston Respublikasining birinchi Prezidenti I.A.Karimovmustaqillik davridagi tajribalarni va yetakchi xorijiy mamlakatlar ijtimoiy-siyosiy hayotini chuqur tahlil etib, fuqarolarning siyosiy jarayonlarda ishtirok etishining demokratik tamoyillarini ilgari surdi: “Jamiyatda demokratiya qay darajada ekanligini belgilovchi kamida uchta me’zon bor. Bular -xalqning qarorlar qabul qilish jarayonlaridan qanchalik xabardorligi, hukumat qarorlari xalq tomonidan qanchalik nazorat qilinishi, oddiy fuqarolar davlatni boshqarishda qanchalik ishtirok etishidir...7
O’z-o’zidan ravshanki, siyosiy tuzum to’la-to’kis amal qilishini va uning yanada erkinlashivuni ta’minlash uchun uni tashkil etuvchi hamma tuzilmalar, ya’ni mavjud sub’ektlar -shaxs, siyosiy institutlar, aholining ijtimoiy guruhlari hamda qatlamlari va hakozalar to’laqonli faoliyat ko’rsatishiga erishish zarur”8.
O’zbekiston Respublikasining birinchi Prezidenti I.A.Karimovo’zining asarlarida demokratik jamiyat qurishda inson huquqlari, erkinligi va faolligini ta’minlash to’g’risida salmoqli fikrlarni ifoda etgan. Shu borada 2005 yil 1 avgustda “O’zbekiston Respublikasida o’lim jazosini bekor qilish to’g’risida”gi hamda 2005 yil 8 avgustdagi “Qamoqqa olishga sanktsiya berish huquqini sudlarga o’tkazish to’g’risida” farmonlarining e’lon qilinishini ham aloxida ta’kidlash joiz.
Biz taraqqiy topgan demokratik mamlakatlardagi kabi erkin va farovon hayot barpo etish, demokratik jamiyat qurishda inson huquqlari, erkinligi va faolligini ta’minlashni o’z oldimizga ezgu maqsad qilib qo’ygan ekanmiz, bunga erishish uchun Yevropa va Osiyodagi eng rivojlangan davlatlardagi kabi andoza va me’yorlarga chiqishimiz zarur, zero bugungi kunda davlat, demokratiya sharoitida ijtimoiy qarama-qarshiliklarni zo’ravonlik va bostirish yo’li bilan emas, balki ijtimoiy kelishish yo’li bilan hal etish vositasiga aylanmoqda.
Bugungi kundagi muhim vazifamiz - o’tgan davr mobaynida erishilgan natijalarni yana bir bor tanqidiy hamda xolisona baholash va amaliy xulosalar chiqarish. Bizning vazifamiz mamlakat va jamiyatni erkinlashtirish, demokratik jamiyat qurishda inson huquqlari, erkinligi va faolligini ta’minlash hamda yangilash yo’lidagi harakatlarimizni sifat jihatidan yangi bosqichga ko’tarish va amalga oshirgan ijobiy ishlarimizni qat’iyat bilan davom ettirish, ularni xalqimiz orzu qilgan marralarga yetkazishdir.
Hammamizga ayonki, demokratik jamiyat qurishda inson erkinligi va faolligini ta’minlashga qaratilgan yo’nalishlar ijtimoiy-iqtisodiy jarayonlar bilan bog’liq ko’p masalalarni hal qilishda davlat tuzilmalarining rolini kamaytirish va bu vazifalarni bosqichma-bosqich jamoat tashkilotlariga o’tkaza borishni taqozo etadi.
2017-2021 yillarda O‘zbekiston Respublikasini rivojlantirishning beshta ustuvor yo‘nalishi bo‘yicha HARAKATLAR STRATEGIYASIda
davlat hokimiyati va boshqaruvi organlari faoliyatining ochiqligini ta’minlash, jismoniy va yuridik shaxslarning huquq va erkinliklari hamda qonuniy manfaatlariga oid axborotni taqdim qilishning zamonaviy shakllarini joriy etish;
«Elektron hukumat» tizimini takomillashtirish, davlat xizmatlari ko‘rsatishning samarasi, sifatini yuksaltirish va bu xizmatdan aholi hamda tadbirkorlik sub’ektlari tomonidan foydalanish imkoniyatini oshirish.
xalq bilan muloqotning samarali mexanizmlarini joriy etish;
jamoatchilik nazoratini amalga oshirishning zamonaviy shakllarini rivojlantirish, ijtimoiy sheriklikning samarasini oshirish;
fuqarolik jamiyati institutlarini rivojlantirish, ularning ijtimoiy va siyosiy faolligini oshirish;
mahalla institutining jamiyat boshqaruvidagi o‘rni va faoliyati samaradorligini oshirish;
ommaviy axborot vositalarining rolini kuchaytirish, jurnalistlarning kasbiy faoliyatini himoya qilish kabi vazifalar o’z aksini topgan.
2017 yilning mamlakatimizda “Xalq bilan muloqot va ison manfaatlari yili” deb e’lon qilinishi ham alohida ahamiyaatga ega voqelik bo’ldi.
Do'stlaringiz bilan baham: | 
