18-amaliy mashg‘ulot avtomobil transportida yo‘lovchilarni tashishni tashkil etishni o‘rganish

Avtobus yo‘nalishlari tasnifi. Avtobus yo‘nalishi deyilganda avtobus va 
yo‘nalishli taksilarning boshlang‘ich va so‘nggi bekatlar oralig‘ida belgilangan 
harakat yo‘llari tushuniladi. 
Ishlash vaqtiga ko‘ra avtobus yo‘nalishlari doimiy va 
vaqtinchalik bo‘lishi mumkin. Doimiy yo‘nalishlarda yil davomida va haftaning
barcha kunlarida transport vositalari bir xil miqdorda qatnaydi. Vaqtinchalik 
yo‘nalishlar esa mavsumda yoki muayyan zaruratga ko‘ra (masalan shanba yoki 
yakshanba kunlari dam olish uchun) tashkil qilinishi mumkin. 
SHahar yo‘lovchi transporti yo‘nalishlari transport turlari (avtobus, 
tramvay, trolleybus, metro va h.k), yo‘nalishlar tarmog‘idagi harakat 
yo‘nalishlari, harakat tezligi va ish rejimlariga binoan tasniflanadi.
SHahar avtobus yo‘nalishlari shahar hududidagi harakat yo‘llariga 
binoan ajratiladi.
Diametral yo‘nalish shaharning bir chetini ikkinchi cheti bilan shahar 
markaziy hududlarini kesib o‘tib, shahar markazini chetlari bilan hamda 
shahar chetki hududlarini o‘zaro bog‘laydi. 
Radial yo‘nalishlar shahar chetidagi so‘nggi nuqtadan markaz tomon 
yo‘nalgan bo‘ladi bunday yo‘nalishlar shahar chetlarini markaz bilan, chekka 
joylarni tuman markazlari yoki metro yo‘nalishlari bilan bog‘laydi.
Yarim diametral yo‘nalishlar shahardagi ikki tuman markazlarini 
o‘zaro bog‘laydi.
Halqasimon yo‘nalishlar aylana yoki berk siniq chiziqdan iborat bo‘lib, 
shaharning o‘zaro aloqaga muhtoj tarqoq nuktalarini birlashtiruvchi 
yo‘nalishdir.
Tangensial yo‘nalishlar shaharning aloqaga muhtoj nuqtalarini o‘zaro 
bog‘laydi.
Aralash yo‘nalishlar yuqorida keltirilgan yo‘nalishlarning bir necha 
elementlarini o‘z ichiga oladi.

---