17-mavzu. Tarbiyaning mazmuni va vazifasi. Reja

O‘z nafsinga hokim bo‘lsang, mardsan, 
Xotirlab turishdan gapirsang, mardsan. 
Yiqilganni tepish mardlik emas, 
Yiqilganni qo‘lidan tutsang mardsan. 
Abu Abdullo Ro‘dakiy. 
5-o‘quv savoli. Milliy tarbiya va uning ma'naviy me’zonlari.
Biz shunday yuksak odobi, madaniyatli xalqning farzandi ekanligimizdan har 
qancha faxrlansak arziydi. Darhaqiqat xalqimiz azal-azaldan ma’naviy fazilatlarga 
boy bo‘lgan. Ota-bobolarimiz farzand ustirar ekanlar, ularning xulq-atvorlariga, gap 
so‘zlariga, kishilar oldida o‘zlarini qanday tutib, nimalar haqida fikrlashib, o‘z 
maqsadlarini qanday so‘zlar bilan tushuntirishlariga katta ahamiyat berishgan. Ular 
farzandlarning nojuya ishlariga, xato yo‘llariga borishiga zinhor-bazinhor yo‘l 
qo‘ymaganlar. Bu masalaga yanada oydinlik kiritib I.A. Karimov deydi: «Ota-
bobolarimiz dini bo‘lmish Islom dinimizni qadrlash, uning ta’limoti va ta’siri 
hayotimizni, ma’naviyatimizni yangi ma’no bilan to‘ldirishga xizmat qilmoqda. 
Buni hech kim inkor eta olmaydi»
1
. 
Xalqimizni tafakkur olamini boyitishga milliy ma’naviyatimiz qadriga 
yetishga, tarbiyaviy ta’sir qilishga ko‘proq e’tibor berishimiz kerak. O‘tgan keyingi 
yetmish yildan ko‘proq vaqt ichida Islom dini, musulmonchilik milliy aqidalari, 
milliy qadriyat va an’analar bir chekaga surib tashlandi. Ular haqida gapirish va 
o‘ylash hech ham mumkin emas edi. 
Iymon-e’tiqodimizga oid asarlar, milliy tarbiya asosini tashkil qiluvchi qur’oni 
Karim, Muhammad alayhissalom Hadislari, tasavvuf va milliy ma’rifiy-axloqiy 
ilmlar aks etgan kitoblar, risolalar terib olindi, yoqib tashlandi. Bu milliy tarbiya va 
tarbiyashunoslik sohasidagi eng katta yo‘qotish edi. 
Mustaqillik sharofati tarbiyashunoslik fannining milliyligi har sohada ustuvor 
bo‘lib, mustaqillik mafkurasi va g‘oyasi xalqning iymon-e’tiqodiga aylanyapti. 
E’tiqod yo‘qolgan joyda doimo yomon ishlar ro‘y beradi, mehr-oqibat, borlik, 
birodarlik ham yo‘q bo‘ladi. E’tiqodsiz, iymonisz mustaqillikka erishish ham amru 
mahol edi. 
Alohida ta’kidlash kerakki, o‘z diniga, milliy qadriyatlariga, iymon-e’tiqodiga 
sadoqatsiz odamning ishlari hech vaqt rivoj topmaydi, obro‘-e’tibordan, xalq 
nazaridan qoladi. 
Mustaqillik mafkurasi tarbiyasi, ma’naviyati singari pedagogik-ruhiy 
jarayonlarni tadqiq etish shu kunning muhim masalasidir. 
Mustaqillik-iymon, e’tiqod erkinligi. Mustaqillik-milliy qadriyat, ma’naviyat 
va madaniyat, ma’rifat va din-diyonat ozodligi. 
1
Каримов И. А. - «Ижобий ишларимизни охирига етказайлик». Тошкент, «Ўзбекистон» - 1994 й. 9-бет
. 

---

Mustaqillik-davlatning milliy chegarasi, iqtisodiy, siyosiy va ma’naviy 
daxlsizligi. Mustaqillik-milliy armiyaning barqarorligi, yagonaligi va uning 
boshqalarga buysunmasligi va hokazolar... 
Iymon ham ishonish demakdir. Lekin uturish ma’no, mazmuni kasb etadi. 
Diniy ma’nosi Alloh taolloga va uning buyruqlariga til va ko‘ngil bilan ishonishdan 
iboratdir. 
Milliy qadriyatlar ota-bobolardan bizgacha yetib kelgan 
udumlar
-Ro‘za hayit, 
qurbon hayit, Navruz tantanalari, «Sada» va «Mehrgon» bayramlari, Beshik to‘yi, 
Sunnat to‘yi, o‘g‘il uylantirish va qiz uzatishlar bilan bog‘liq to‘ylar, marosimizlar,