17-mavzu. Tarbiyaning mazmuni va vazifasi. Reja

---

17-MAVZU. Tarbiyaning mazmuni va vazifasi. 
Reja: 
1. Harbiy, vatanparvarlik. axloqiy, huquqiy tarbiya.
2. Mardlik va jasuriik tarbiyasi. Vijdon erkinligi va ma’naviy javobgarlik 
tarbiyasi.
3. Harbiy xizmatchilarda ma’naviy-ma’rifiy tarbiya. Nafosat va go‘zallik 
tarbiyasi.
4. Jismoniy chiniqish va ruhiy tetiklik tarbiyasi.
5. Milliy tarbiya va uning ma'naviy me’zonlari.
6. Harbiy xizmatchilarning ekologik tarbiyasi. 
 
1-o‘quv savoli. Harbiy, vatanparvarlik. axloqiy, huquqiy tarbiya.
Harbiy-vatanparvarlik va ma’naviy-axloqiy tarbiya 
tadbirlari barcha 
toifadagi harbiy xizmatchilar va Qurolli Kuchlar xizmatchilarning intellektual 
saviyasi va bilimlarini oshirish, ona-Vatanni chin qalbdan sevib ardoqlash, uni har 
qanday g‘animdan har qanday sharoitda ishonchli himoya qila olish va buning uchun 
harb ilmini puxta egallash, jangovar texnika va qurol-yarog‘lardan mohirona 
foydalana olish, tartib-intizom, axloq-odob, o‘zaro ko‘makdoshlik singari ko‘plab 
sifatlarni o‘zida mujassamlashtirish, eng muhimi, ona yurti himoyasida, harbiy 
jamoada alohida o‘rni bor ekanligini chuqur idrok etish maqsadida tashkil etib 
boriladi. 
Harbiy-vatanparvarlik va ma’naviy-axloqiy tarbiya yo‘nalishidagi tadbirlar 
quyida keltirilgan tizimda tashkil etib boriladi: 
ma’naviy-ma’rifiy tayyorgarlik; 
tezkor axborot; 
ma’naviy-ma’rifiy ishlar (madaniy-ma’rifiy ishlar); 
ma’naviyat soatlari (harbiy qism yoshlar ittifoqining boshlang‘ich tashkiloti 
yo‘nalishlari bo‘yicha sektorlar faoliyati, kitob mutalaasi, harbiy-vatanparvarlik 
soati); 
jamoaviy tarzda badiiy va hujjatli filmlar namoyishi; 
yakka tartibdagi tarbiyaviy ishlar; 
vzvod shaxsiy tarkibining jangovar va ma’naviy-ma’rifiy tayyorgarlik, 
qo‘shinlar xizmati va harbiy intizom holati bo‘yicha haftalik yakuni; 
fanlar yo‘nalishi (5 ta fangacha) bo‘yicha mashg‘ulotlar.