17 мавзу Қўшимча маърузалар (мустақил тайёрланишда ёрдам учун)

Қишлоқ хўжалик фитопатологияси Сабзавот экинларининг касалликлари

• ЛАВЛАГИНИНГ СОХТА
• УН-ШУДРИНГ КАСАЛЛИГИ
• Иккинчи йил (уруғ олиш учун экилган) экинларда энг ёш барглар, гул ва гул новдалари ҳамда уруғ зарарланади. Гул новдалари ўсишдан орқада қолади, бужмаяди ва сўлиб, қурийди. Намлик мавжудлигида зарарланган баргларнинг пастки томонида кулранг-бинафша тусли юпқа моғор ривожланади. Патоген уруғлик учун экишга мўлжалланган илдизмеваларда, ўсимлик қолдиқлари ва уруғда мицелий ва ооспоралари ёрдамида қишлайди. Вегетация даврида экин ичида замбуруғ конидиялари билан тарқалади, 16оС ҳарорат ва 70% ёки юқорироқ намликда тез ривожланади. Баъзи навлар касаллик билан камроқ зарарланади.

Қишлоқ хўжалик фитопатологияси Сабзавот экинларининг касалликлари

• ЛАВЛАГИНИНГ СОХТА
• УН-ШУДРИНГ КАСАЛЛИГИ
• Қўзғатувчининг белгилари. Барглар устида, асосан остки томонида, оч-сариқ, сўнгра сариқ ва қўнғир доғларда патогеннинг спора ҳосил қилувчи органларидан иборат бўлган жуда майин, юпқа, кўзга зўрға кўринадиган, кулранг-бинафша қатлам пайдо бўлади. Конидиофоралар ўлчами 250-650х8-12 мкм, барг тешикчаларидан 1-3 тадан чиқади, улар 6-8 марта дихотомик шохланган, учлари ўткирлашган. Конидиялар юпқа кулранг-бинафша қобиқли, эллипсоид ёки тухум шаклли, ўлчами 20-28х16-23 мкм. Оогонийлар думалоқ, қобиғи юпқа, рангсиз, диаметри 50-60 мкм. Ооспоралар кам ҳолларда пайдо бўлади, шар шаклли, қобиғи сарғиш-қўнғир, қалин, силлиқ, 2 қаватли, диаметри 32-60 мкм. Қишлаган ооспоралар баҳорда гифа ҳосил қилиб ўсади ва экинларни зарарлайди.
• Кураш чоралари. Ниҳол илдизлари емирилиши ва церкоспорозга қарши тавсия қилинган тадбирларни қўллаш; касаллик кўриниши билан дарҳол фунгицид пуркаш ; 1-нчи ва 2-нчи йил экинлар далалари орасида камида 1 км масофа қолдириш; экинни назорат қилиб туриш ва касал ўсимликларни эҳтиёткорлик билан қирқиб, устидаги споралари тарқалиб кетмаслиги учун уларни силкитмай, ўша жойда, устига 10-15 см тупроқ ташлаб, кўмиш лозим.