14-мавзу. Операцион тизимларда файл тизимлари

Файл ва каталогларга мурожаат чегаралари. NTFS файл тизими Windows NT операцион тизими хавсизлик объект моделини қўллайди ва ҳаммма том, каталог ва файлларга мустақил объект сифатида қарайди. NTFS тизими хавсизликни файл ва каталоглар даражасида таъминлайди. Бу дегани, том, каталог ва файлларга мурожаат хуқуқи, фойдаланувчи хисоб ёзуви ва у мансуб бўлган гурухга боғлиқдир. Фойдаланувчи ҳар гал файл тизими объектига мурожаат қилганда унинг хуқуқи объектнинг мурожаатни бошқариш рўйхатидан текширилади (ACL). Агар фойдаланувчи зарур хуқуқга эга бўлса, унинг сўровномаси қондирилади, акс ҳолда сўровнома рад тилади.

Кенгайтирилган функционаллик. NTFS тизими мумкин бўлган кенгайтириш ҳисобга олиниб лойиҳалаштирилган. Унда кўпгина қўшимча имкониятлар акс эттирилган – юқори даражада бузилишларга қатъийлик, бошқа файл тизимлари эмуляцияси, кучли хавфсизлик модели, маълумотлар оқимига параллел ишлов бериш ва файл атрибутларини яратиш (фойдаланувчи белгилайдиган).

Windows 2000 ва Windows XP тизимларида, NTFS файл тизимларидан фойдаланишда квоталаштиришни киритиш мумкин, бу фойдаланувчилар ўз файлларини диск маконининг уларга ажратилган квотаси чегарасида сақлаши мумкин.

NTFS тизими катта дисклар билан ишлашни ҳисобга олиб яратилган.

NTFS рухсатлари – бу фойдаланувчиларнинг объектларга мурожаатини чегаралаш учун берилган файл ва каталогларининг махсус кенгайтирилган тўплами. Улар фақат NTFS файл тизими ўрнатилган томларда мавжуддир. Рухсатлар мосланувчан ҳимояни таъминлайди, чунки уларни ҳам каталог, ҳам алоҳида файлларга қўллаш мумкин, улар локал фойдаланувчиларга (ҳимояланган папка ва файллар бўлган компьютерларда ишлайдиган) ҳам, тармоқ орқали ресурсларга уланадиган фойдаланувчиларга ҳам мансубдир. Рухсат ва хуқуқларни чеклаб бўлмайди. Булар умуман хар хил тушунчалардир.

NTFS рухсатлари, биринчи навбатда, ресурсларни шу ресурс жойлашган компьютерда ишлаётган фойдаланувчилардан ҳимоя қилиш учун ишлатилади. Аммо уларни, масофадаги умумий папкага тармоқ орқали мурожаат қилувчи фойдаланувчилар ҳам ишлатиш мумкин.