14-мавзу. Операцион тизимларда файл тизимлари

HPFS файл тизими, FAT билан таққослаганда қуйидаги устунликларга эгадир:

• юқори унумдарлик;
• ишончлилик;
• файл ва каталогларга мурожаатни мосланувчи ҳолда бошқариш имконини берадиган кенгайтирилган атрибутларни қўллаш;
• диск маконидан самарали фойдаланиш.

Бу устунликлар HPFS структурасидан келиб чиқади.

NTFS файл тизими

NTFS (New Technology File Sistem – янги технология файл тизими) файл тизими номида янги технология сўзи мавжуддир. Ҳақиқатда, NTFS файл тизими FAT 16 (ва ҳатто FAT 32) га нисбатан сезиларли мукаммалликлар ва ўзгаришларни ўз ичига олган. Фойдаланувчи нуқтаи-назаридан қараганда, файллар хар доимдагидек (олдиндагидек), Windows муҳитида ишлаш вақтида кўпинча “папка” деб аталувчи каталогларда сақланади. Аммо NTFS да талай янги хусусият ва имкониятлар пойдо бўлди.

3. NTFS файл тизими асосий имкониятлари.

NTFS ни лойиҳалашда алоҳида диққатни ишончлиликка, каталог ва файлларга мурожаатни чегаралаш механизмига, кенгайтирилган функционалликка, катта хажмдаги дискларни қўллашга ва х.к.ларга қаратилди. Бу тизим OS/2 V.3 доирасида ишлаб чиқила бошлади, шунинг учун ҳам у HPFS файл тизими кўпгина қизиқарли хусусиятларини олган.

Ишончлилик. Юқори унумдорликка эга бўлган ва биргаликда фойдаланиш тизимлар, юқори ишончлиликка эга бўлиши керак. Бу эса NTFS тизимининг энг муҳим элементидан иборатдир. NTFS тизими, ўз-ўзини тиклашнинг маълум воситаларига эга. Бу воситалар тизим яхлитлиги (бутунлиги) ни текширадиган, яни транзакция журналини олиб борадиган турли механизмларни ўз ичига олади.

NTFS, қайта юкланмасдан тинимсиз ишлашни таъминлаши муҳим бўлган сервер файл тизими сифатида ишлаб чиқилгани учун, унда худди HPFS даги каби, дефекли секторларни аварияли алмаштириш механизми ишончлиликни ошириш учун киритилган. Бошқача айтганда, маълумотларни ўқишда тизим рад этса, у ҳолда файл тизими бу маълумотлани ўқишга ва бу мақсад учун диск маконини махсус резервлаб қайта кўчиради, дефект жойини-секторни белгилаб, унга бошқа мурожаат қилмайди.