14-мавзу. Операцион тизимларда файл тизимлари

Файлларни бошқарув тизими, файл маълумотларини яратиш, йўқотиш, ташкил этиш, ўқиш, ёзиш, модификация қилиш ва жойлашни ўзгартириш ва шу билан бирга файлларга мурожаатни ва файллар томонидан фойдаланиладиган ресерсларни бошқаришга жавоб беради.

Файлларни бошқариш тизими “ФБТ” нинг асосий вазифаси, бизга керакли ёзувнинг аниқ физик адресини кўрсатиб, қуйи даражада мурожаат ўрнига, файл кўринишида ташкил этилган маълумотларга мурожаатнинг қулай усулини беришидир, яъни файл номи ва ундаги ёзувни номини кўрсатиб, мантиқий мурожаат қилишга имкон беришдир.

Файлларни бошқариш тизими ёрдамида, фойдаланувчиларга қуйидаги имкониятлар яратилади:

• фойдаланувчиларнинг мулоқот функцияларини (унинг маълумотлари билан) амалга оширувчи ва файлларни бошқариш тизимидан фаол фойдаоанувчи, махсус бошқарувчи функциялар ёрдамида ёки ўз дастурларидан, номли маълумотлар тўпламини (файлларни) яратиш, олиб ташлаш ва қайта номлаш (ва бошқа операциялар);
• дисксиз периферик қурилмалар билан файл каби ишлаш;
• файллар орасида, қурилмалар ўртасида (ва тескари) маълумотлар алмашиниш;
• файлларни бошқариш тизими дастурий модулларига мурожаат усули билан файллар билан ишлаш (API нинг бир қисми файллари билан ишлашга мўлжалланган);
• файлларни ҳуқуқсиз мурожаатдан ҳимоя қилиш.

Қоида бўйича ҳамма замонавий ОТ лар ўз файлларини бошқариш тизимларига эга. Баъзи ОТ лар эса, бир нечта файл тизимлари билан ишлаш имконига эгадирлар (бир нечтаси ичидан биттаси ёки бир нечтаси билан бир вақтда). Бу ҳолларда, бириктириладиган файл тизимлари тўғрисида сўз боради (бириктириладиган файлларни бошқариш тизимларини қўшимча сифатида ўрганиш мумкин) ва бу борада улар мустақилдир.

Шу нарса маълумки, файлларини бошқариш тизими, ОТ нинг асосий компонентаси бўлган ҳолда, ундан мустақил эмас, чунки API нинг мос чақириқларидан фаол фойдаланади. Шу билан бирга, ФБТ нинг ўзи API ни янги чақириқлар билан бойитади.

Демак, шуни таъкидлаш мумкинки, ихтиёрий ФБТ ўз-ўзига мавжуд эмас, балки улар аниқ ОТ муҳитида ишлаш учун яратилган. Мисол учун ҳаммага топиш файл тизими FAT ни келтириш мумкин (File Allocanion Table – файлларни жойлаштириш жадвали). Бу тизим, файлларни бошқариш тизими сифатида кўп ҳолларда ишлатилади.