13-илова Боланинг мактабга тайёрлиги харитаси

13-илова Боланинг мактабга тайёрлиги харитаси

Болаларни бошланғич таълимга мажбурий йиллик тайёрлаш гуруҳ тугагандан сўнг, педагог боланинг мактабга тайёрлиги харитасини тўлдиради.
Педагог (тарбиячи) /ҳа ёки йўқ/ деб белгилаган (✔) ҳолда харитани тўлдиради
Боланинг ҳар бир соҳа бўйича ютуқлари ҳисоб-китоб билан аниқланади, яъни
Ҳар бир соҳанинг кўрсаткичлар (индикаторлар) сони 100% ни ташкил қилади.
Бола эришган ютуқлар (Ҳа) сони кўрсаткичлар /индикаторлар/ сонига
бўлиниб, боланинг ютуқлари аниқланади.
Бола ривожланишининг ҳар бир соҳаси бўйича эришилган якуний натижалар (Ҳа) жамланади ва соҳалар сонига /яъни 5 га/ бўлиниб, якуний натижа чиқарилади. Бу натижа боланинг мактабга тайёрлиги кўрсаткичи бўлиб хизмат қилади.
Кузатиш ривожланишнинг барча соҳалари бўйича олиб борилади:

• 
  жисмоний ривожланиш ва соғлом турмуш тарзини шакллантириш;
  
• 
  ижтимоий-ҳиссий ривожланиш;
  
• 
  нутқ, мулоқот, ўқиш ва ёзиш малакалари;
  
• 
  когнитив ривожланиш;
  
• 
  ижодий ривожланиш.
  

"Илм йўли" номли вариатив дастур уч даражали баҳолашни таклиф қилади ва қуйидаги кўрсаткичга эга:

«Етарлидан юқори даража»	– 60 дан 70% гача;	хулоса: Ёш бўйича ривожланиш меъёридан илгарилаб кетган.
«Етарли даража»	– 50 дан 59 % гача;	хулоса: Ёш бўйича ривожланиш меъёрга мос.
«Етарлига яқин даража»	– 49% гача	хулоса: Якка ривожланиш суръати ёш меъёрларига мос эмас.

Боланинг мактабгача таълим ташиклотида мактабга тайёрлик бўйича ушбу харитаси қуйидагиларни амалга ошириш имконини беради: таълим жараёни боришининг муваффақиятлилиги ва натижалилигини аниқлаш, педагогларнинг касбий малакасини ошириш, таълим жараёни ҳолатининг сифатини бошқаришни амалга ошириш.
Ўқув йили тугагандан кейин, болаларни бошланғич таълим/мактабга тайёрлов гуруҳи/га тайёрлаш бўйича йиллик мажбурий гуруҳнинг мониторингига асосланиб, бажарилган ишларнинг самаралилиги аниқланиб, кутилаётган натижалар билан солиштирилади.
Сўнгра, муаммолар, уларни ечиш йўллари аниқланади ва ишлаб чиқилади, мактабгача таълим ташкилотининг кейинги ўқув йили учун устувор вазифалари белгиланади.