120. Бадиий гимнастикада ифодалилик

Badiiy gimnastikadagi faoliyatning psixologik xususiyatlar

Ushbu bo‘limda eng muhimi badiiy gimnastikada yuqori sport natijalariga erishish uchun zarur bo‘lgan shaxsning psixologik funksiyalari, xususiyat va sifatlar ro‘yxatini tuzishdan iborat bo‘ladi. Jumladan, ushbu ro‘yxat quyidagicha bo‘lishi mumkin.

1.Analizatorlar – ko‘rish, eshitish, vestibulyar va harakatchan tahlil vositalarining yuqori faolligi.

2.E’tiborning jamligi, tasavvurning aniqligi, yaxshi (ko‘rish, harakatlanish va musiqani eslab qolish bilan bog‘liq) xotira, fikrlash tezligi, chuqurligi va egiluvchanligi, boy tasavvur.

3. Koordinatsion qobiliyatlarni yuqori darajasi.

4. Musiqiy qobiliyatlar: musiqiy eshitish, ritm hissi, musiqani tanlash va tushuna bilish.

5. Ifodalilik qobiliyatlari: emotsionallik, ifodalilik va artistizm.

6. Ma’naviy ahloqiy sifatlar: badiiy gimnastikaga bo‘lagn muhabbat, intizomlilik, batartiblik, qunt, burch, shaxsiy javobgarlik hissi, jamoa bilan hamjixatlik, murabbiylar, dugonalari, raqiblari va xakamlarga nisbatan xurmat.

7. Iroda bilan bog‘liq sifatlar: maqsad sari intiluvchanlik, qat’iylik, sabr-bardosh, o‘zini idora qila bilish, mustaqillik va tashabbuskorlik.

8. Emotsional barqarorlik, o‘z kuchiga ishonch, mustaqillik.

9. Psixologik holatlarni o‘zi boshqara bilish, salbiy ta’sirlarga qarshi tura bilish.