12-Мавзу. Корхоналар иқтисодий ночорлиги (банкротлиги)ни баҳолаш ва таҳлил қилиш

Жорий (айланма) активлар билан боғлиқ бўлган кўрсаткичлар

Жорий (айланма) маблағларнинг (Айм) оборотдаги ўз маблағлари (Ўхм) билан таъминланганлик коэффициенти (Камт)	Камт = Ўхм / Айм	Ҳар бир сўм айланма маблағга қанча ўз маблағи тўғри келишини ифодалайди
Жорий (айланма) маблағларнинг қарамлик коэффициенти (Кчжк)	Кчжк = Чжқм / Айм	Четдан жалб қилинган маблағларни айланма маблағлардаги ҳиссасини ифодалайди
Жорий (айланма) маблағларнинг қисқа муддатли банк кредитларига (Кмбк) қарамлик коэффициенти (Кбк)	Кбк = Кмбк / Айм	Қисқа муддатли кредитларни айланма маблағлардаги ҳиссаси
Жорий (айланма) маблағларнинг тез ҳаракатдаги (Пмба) Айм билан таъминланиш коэффициенти (Кхмт)	Кхмт = Пмба / Айм	Айланма активларни қанча қисми тез ликвид бўладиган активлар билан қопланганлигини ифодалайди
Жорий (айланма) маблағларнинг бутун мулкдаги ҳиссаси	Камх = Айм / Б	Айланма маблағларни барча мулкдаги ҳиссасини характерлайди

Хўжалик юритувчи субъектларни молиявий жиҳатдан барқарор дейиш мумкин қачонки, унинг ҳолатини ифодаловчи кўрсаткичлар нормал ҳолатдан юқори даражада бўлса, хўжалик юритувчи субъектларни молиявий жиҳатдан хавф-хатари бор дейиш мумкин қачонки, кўрсаткичлар даражаси нормал даражада ва ундан тушиб кетса, молиявий нобарқарор дейиш мумкин қачонки, унинг кўрсаткичлар тизимини ифодаси нормал даражадан кескин тушиб кетса. Унинг чегаравийлигини ҳар битта кўрсаткичлар тизимига нисбатан алоҳида белгилаш лозим.
Амалиётда, молиявий барқарорликни белгилашнинг энг муҳим методик жиҳат активларни (узоқ муддатли активлар ҳамда захира ва харажатларни) манбалашдаги ҳолат кўрсаткичларига қараб белгиланади.
Активларни молиялаштиришда активларнинг узоқ муддатли ва жорий қисми бир-биридан тубдан фарқ этади. Одатда узоқ муддатли активларни молиялаштириш юзасидан ўз маблағлари ва узоқ муддатли қарз маблағлари жалб қилинади. Шу сабабли иқтисодий ночорликни баҳолашда биринчи навбатда уларнинг ўтган йил ва жорий ҳолатига баҳо берилади. Бу ўз айланма маблағлари нақдлигини ифодалайди.