12-Мавзу. Корхоналар иқтисодий ночорлиги (банкротлиги)ни баҳолаш ва таҳлил қилиш

Ктл = Тмаб / Тмаж
Бунда:
Тмаб - тўлов маблағлари суммаси;
Тмаж – тўлов мажбуриятлари.
Ҳисоб-китобда тўлов мажбуриятлари суммаси узоқ муддатли мажбуриятлар суммасига камайтирилади.
Баланс қаторлари бўйича:
Ктл = 390сатр / 770сатр - (730сатр + 740сатр)
Агар ҳисоб-китоб қилинган кўрсаткич даражаси 1.25 дан кичик бўлса, корхона тўловга ноқобил деб тан олинади.
Ўз айланма маблағлари билан таъминланиш коэффициенти (Кат) айланма активларни молиялаштиришда ўз маблағларининг мавжудлигини характерловчи, молиявий барқарорликни, корхона эгалари ва қарздорлари қизиқишини ифода этувчи кўрсаткич ҳисобланади.
Ўз айланма маблағлари билан таъминланиш коэффициенти қуйидаги боғланиш орқали ҳисоб-китоб қилинади:
Кат = П1 + Умм - А1 / А2
Бунда:
П1 – Бухгалтерия баланси пассив томони 1-бўлими жами “Ўз маблағлари манбаи” суммаси 480 сатр
Умм – Узоқ муддатли активларни олиб келишга йўналтирилган узоқ муддатли кредитлар ва қарзлар суммаси 570+580 сатр
А1 – Бухгалтерия баланси актив томони 1-бўлими жами “Узоқ муддатли активлар” суммаси 130 сатр
А2 – Бухгалтерия баланси актив томон 2-бўлим жами “Жорий активлар” суммаси 390 сатр.
Бухгалтерия баланси сатрлар коди бўйича ҳисоб-китоби:
Кат = 480сатр + 570сатр + 580сатр - 130сатр / 380сатр
Ушбу коэффициент жами маблағларнинг қай даражаси айланма активларга йўналтирилганлигини характерлайди ва унинг нисбий ифодаси 0.2 дан кам бўлмаслиги лозим. Агар давр охирига келиб ушбу кўрсаткичнинг ифодаси 0.2 дан кам чиқса, корхона ўз айланма активлари билан таъминланмаган деб қарор чиқарилади.
Рентабеллик коэффициенти корхона молия-хўжалик фаолиятининг фойдалигини ёки зарар билан якунлаганлигини ифода этади.
Кра = Фстк / А * 100
Бунда:
Фстк – солиқ тўловига қадар бўлган фойда (“Молиявий натижалар тўғрисидаги” ҳисоботнинг 240 сатри)
А – активларнинг ўртача йиллик қиймати (активларнинг ўртача йиллик қиймат ўртача арифметик ва ўртача хронологик усулда аниқланади)