12-mavzu: Ekskursiya rahbari – gidga qo‘yilgan talablar

4. Qachon yangi ekskursiya mavzusi va uni o‘tkazishga ruxsat olgan gidlar ro‘yxati tasdiqlanadi?
a) ekskursiyaning asosiy matni, texnologik xaritasi, narxi va foydalilik darajasi ijobiy baholansa.
b) ekskursiya muassasasi rahbariga ma’qul bo‘lsa.
d) turoperatorlar tomonidan iobiy baholansa.
e) ekskursiyaning mavzusi, maqsad va vazifalari, marshrutning optimal varianti ma’qullansa.




7-MAVZU: EKSKURSIYA XIZMATIDA OBYEKTLARNI KO‘RSATISH USULLARI

1. Ekskursiya xizmatida ob’ektlarni ko‘rsatishning vazifasi

2. Ob’ektlarni ko‘rsatishning turlari va o‘ziga xos xususiyatlari

3. Ob’ektlarni ko‘rsatishning usullari

7.1. Ekskursiya xizmatida ob’ektlarni ko‘rsatishning

vazifasi

Ekskursiya jarayonida ob’ektlarni ko‘rsatish – bu ko‘rgazmalilik tamoyilini amalga oshirish jarayoni bo‘lib, unda gid yordamida bir yoki bir nechta ob’ektlar bilan tanishib chiqiladi va ob’ektning mohiyati yoritiladi.
Ekskursiya xizmatida ob’ektlarni ko‘rsatish bu ko‘rib-kuzatish orqali axborot olishning ko‘prejali jarayonidir. Ushbu jarayonda ekskursantlar harakati aniq maqsad va ketma-ketlikda amalga oshiriladi, ob’ektlarning ko‘z ilg‘amas jihatlariga e’tibor qaratilib, tahlil qilinadi. Ekskursiya jarayonida ekskursantlar ob’ektlarni to‘g‘ri ko‘rishni, kuzatishni o‘rganadilar bu esa ob’ektlarni ko‘rsatishning asosiy vazifasidir. Yangi ekskursiya mavzusini tayyorlashda ob’ektni ko‘rsatishning predmeti, maqsadini to‘g‘ri belgilab, mavzu to‘liq yoritilishini inobatga olish kerak.
Ob’ektlarni ko‘rsatish insonning mushohada va tomosha qilish kabi harakatlaridan yuzaga keladi. Mushohada va tomosha qilishda ob’ektlarni hech kim ko‘rsatmasa (gid bo‘lmasa), kuzatuvchi predmetlarni passiv qabul qiladi.
Ob’ektlarni ko‘rsatish jarayonidan farqli ravishda ularni tomosha qilish jarayonida shunchaki yuzaki tanishib chiqiladi. Kishi birovning yordamisiz biror bino, yodgorlik yoki muzey ekspozitsiyasining tashqi ko‘rinishini tomosha qilishi mumkin. Agar mutaxassis tomonidan ob’ekt ko‘rsatilsa, uning alohida qismlari, o‘ziga xosligini farqlaydi, tahlil qiladi.

7.1- rasm.