12-Маъруза (4 соат): Коммуникация сиёсати. Маърузанинг режаси

Сотишни рағбатлантириш — у ёки бу товарларни харид қилишни рағбатлантиришга имкон берадиган ундовчи чора-тадбирлар комплекси.
Жамоатчилик билан алоқалар («паблик рилейшнз») — корхона ва турли хил алоқа қилувчи аудиториялар (жамоатчилик) ўртасида яхши муносабатларни ўрнатиш ва сақлашга қаратилган ҳаракатларни корхона учун манфаатли обрў-эътибор, ижобий имижни яратиш воситасида йўлга қўйиш. Бунинг учун ташвиқот, матбуот, кўргазмалар ва ярмаркаларда иштирок этиш, фирма услубини сақлаб туриш қўлланилади.
Кейинги -йилларда паблик рилейшнз кескин ривожланмоқда ва маркетинг тизимида йирик ва салобатли фирмаларнинг мураккаб, мустақил, самарали қуроли сифатида баҳоланмоқда. У истеъмол товарларини ишлаб чиқарадиган саноат фирмалари ва компаниялари томонидан потенциал харидорлар доирасини кенгайтириш, товар ҳақида кенг ахборотга эга бўлиш мақсадида ишлатилади.
Корхонанинг бозор билан коммуникатив алоқалари корхона бозорга ўзининг товарлари, хизматлари ва улар ҳақидаги хабарларни йўналтиришда намоён бўлади. Бозор эса корхонага сотилган маҳсулот учун пул маблағларини ва мазкур товарга бозорнинг муносабати қандайлиги ҳақидаги ахборотни қайтаради.
Коммуникациялар жараёни коммуникатив моделни тузиш ёрдамида тасвирланиши мумкин. У қуйидаги тадбирларни амалга оширишни кўзда тутади:
Ø мақсадли аудиторияни топиш ва унинг тавсифларини аниқлаш;
Ø фирма ва товар ҳақида потенциал мижозларнинг хабардорлигини таъминлаш;
Ø кутиладиган жавоб реакциясини аниқлаш;
Ø аудиториянинг хайрихохлигини қозониш;
Ø мижозни харид қилишга ундаш.
Мақсадли аудиторияни топиш ва унинг тавсифларини аниқлаш, авваламбор, корхонанинг потенциал харидорлари билан ишларни ҳал қилиш, харид ҳақида қарорни қабул қиладиганлар ёки бу қарорни қабул қилишга таъсир қиладиганларни ўрганиш демакдир. Мақсадли аудиториянинг таркиби ва тузилиши кўп жиҳатдан ахборотларни узатиш, воситаларни, жойни, вақтни танлашда нималар қилиниши кераклигини белгилайди.