12-боб. ҚУрилиш майдонида геодезик ишларни ташкилэтиш ва инженер-геодезик қидирув ишлари

12.1-жадвал

Аниқ-лик бос-қичи	Бинолар, иншоотлар ва конструкциялар тавсифи (тури)	Бурчак ўлчаш ўрта квадратик хатолик, сек	Масофа ўлчаш-нинг нисбий хатолиги	Нисбий баланд-ликнинг ўр. кв.хатолигиmhмм
1-р	Металл конструкция ва йиғма бетон конструкциялар	10	1:15000	1
2-р	16-қаватдан юқори ёки 36 м дан катта оралиқдан (пролётдан) иборат бинолар ва 60 м дан юқори иншоотлар	10	1:10000	2
3-р	Беш қаватдан 16 гача ёки 6м дан 36м гача оралиқдан иборат бинолар ва 15м дан 60м гача баландликдаги иншоотлар. Сварка ёки болт билан туташтирилган металл, йиғма темир бетон конструкциялар	20	1:5000	2
4-р	Беш қаватгача ёки 6м гача оралиқдан иборат бинолар. Қўйма темир бетон монолит конструкциялар. Бетон блокли ва ғиштли конструкциялар. Ёғоч конструкциялар.	30	1:2000	5
5-р	Ер иншоотлари	45	1:1000	10
6-р	Бошқа турдаги иншоотлар	60	1:500	50

Хавфли зоналарда: ишлаётган экскаватор,юк кўтарувчи кран,электор линияси ўтган жойлар яқинида геодезик ишларни амалга ошириш тақиқланади. Геодезик ишларни чуқур котлованларда, осилиб турган деворлар яқинида бажариш мумкин эмас.

Теодолит, нивелир ва бошқа асбоблар билан геодезик ишларни амалга ошираётган шахс, чеккаси ўралган (чегараланган) зинапоя бўйлаб ҳаракатланиши керак ва бунда зинапоя майдонлари қор ва муздан тозаланган бўлиши тавсия этилади. Монтаж горизонтида ишлаганда ораёпмалар, тирқишлар беркитилган бўлиши, турли конструкцияларни монтаж қилишда эса, геодезик асбоблар монтаж қилинаётган конструкциянинг бир ярим баландлигидаги масофага ўрнатилиши керак.
Бинонинг биринчи қавати ва унинг деворига яқин жойда иш бажаришда, кузатувчи ва ишчиларни юқори қаватлардан қурилиш материаллари ёки предмет тушиб кетишини ҳимоялаш учун ҳимояловчи қурилма ишланган бўлиши керак.
Қурилиш майдонларида лазер нуридан фойдаланган ҳолда геодезик ишлар бажаришда қуйидаги эҳтиёт чораларига риоя қилиш керак: лазер нури бевосита ишчиларга йўналтирилмаслиги ва қури­лиш майдони чеккасига туширилмаслиги керак; асбобни ва таъмин­лаш бло­кини иш ҳолатида (манбага қўшилган) очиш тақиқланади, бу хавфли.
Бахтсиз ҳодисалар юз берган ҳолларда биринчи ёрдам кўрсатиш қоидаларини билиш керак.