11-мавзу. Суперфосфат ишлаб чиқариш

Ишлаб чиқариш курсаткичлари. Суперфосфат ишлаб чиқаришда фосфатли хом ашё парчаланишининг тўлалиги парчаланиш коэффициент, яъни суперфосфатдаги узлашадиган Р₂О₅ нинг умумий Р₂О₅ микдорига нисбати орқали талкин этилади. Сульфат кислота меъёри қанчалик катта бўлса, парчаланиш коэффиценти хам шунчалик юқори бўлади. 68-72 оғирлик қисм меъёрида апатит концентратидан олинган камерали суперфосфатдаги парчаланиш коэффиценти 83-88% га тенг ва суперфосфатда маълум микдордаги (11-12%) эркин фосфат кислота бўлади. Суперфосфатнинг омбордаги етилтириш жараёнида эса парчаланиш коэффикенти 93-95% га етади, эркин фосфат кислотаси эса -5% гача камаяди.
Олинган суперфосфат микдорининг уни ишлаб чиқариш учун сарфланган фосфат микдорига нисбати суперфосфат унуми дейилади. Вахоланки, фосфатдаги Р₂О₅ тўлалигича суперфосфатга ўтади, шунинг учун унум фосфатдаги Р₂О₅ нинг фоиз микдорини махсулотдаги умумий Р₂О₅ нинг фоиз микдорига нисбати билан ифодаланади. Апатит концентратидан янги хосил қилинган суперфосфатнинг унуми 1,94-2,01 ни, фосфоритдан олинган суперфосфат унуми эса 1,5-1,9 ни ташкил этади. Суперфосфатни омборда сакланиши натижасида ундан сувнинг бугланиши хисобига унум маълум даражага иасаяди.
Махсулотнинг гигроскопиклиги ва унинг нейтралланиши. Юқори эркин кислоталиликка (5% дан юқори Р₂О₅.) эга бўлган суперфосфат 20°С хароратда хавонинг нисбий намлиги 70-100% бўлганда атмосфера намлигини ютади. Буни суперфосфат суюқ фазасининг тўйинган буғ босими (1,33-1,81 кПа) худди шу хароратдаги сувнинг тўйинган буг босими (1,63-2,33 кПа) дан кичик эканлиги билан изохланади. Ютилган намлик маълум микдордаги монокальцийфосфатни эритади, унинг дикальцийфосфат ва фосфат кислотага парчаланишига олиб келади. Ажралган қўшимча микдордаги эркин фосфат кислотаси суперфосфатни янада гигроскопиклигини оширади.
Бундай суперфосфат ёмон физик хоссага эга бўлади ёпишқоқ бўлиб қолади, тушириш ва юклаш мосламаларига ёпишиб колиши натижасида қийинчиликлар туғдиради. Бундан ташқари механизмларнинг коррозиясини тезлаштиради. Шунинг учун етилтирилган суперфосфат фосфат кислотада осон парчаланувчи нейтралловчи қўшимчалар билан нейтралланади. Одатда нейтралланиш жараёни донадорлаш билан бир вақтда амалга оширилади. Нейтралловчи қўшимча сифатида осон парчаланадиган майда фракцияли фосфорит уни, суяк кукуни, охак, бўр, охактош, фторсизлантирилган фосфатлар ва бошқалар ишлатилади. Таркибида фосфор тутган нейтралловчи қўшимчалар махсулотни бойитади. Фосфоритнинг қўлланилиши натижасида эркин Р₂О₅ нинг 1% га камайиши хисобига, эквивалент суратда, махсулотдаги узлашадиган Р₂О₅ нинг миқдори ўртача 0,42% га ортади. Суперфосфатдаги фосфат кислотани кальций бирикмалари билан нейтраллаш натижасида махсулот таркибида қўшимча миқдордаги кальций монофосфат хосил бўлади. Бунда суперфосфатдаги қаттиқ компонентлар микдори ортади ва унинг физик хоссаси яхшиланади. Суперфосфатдаги кислоталиликни керагидан ортиқ даражада камайтириш сувда кам эрийдиган дикальцийфосфатнинг хосил бўлишига олиб келади, охакнинг ортиқча бўлиши эса қийин эрийдиган трикальцийфосфат хосил бўлиш билан борадиган ретроградацияланишга олиб келади. Махсулот таркибининг айрим қисмларидаги ретроградация эса реагентларнинг ёмон аралаштирилиши хисобига юзага келади. Шунинг учун нейтраллаш жараёнида қўшимчаларни махсулот билан яхши аралашишини таъминлаш лозимдир.