11-mavzu. Boshqaruv qarorlari va funktsiyalari

11.5-rasm. YAkuniy qarorni qabul qilish bosqichi
SHunday qilib, har bir boshqaruv bo’limi yaxlit uyushtirilgan bo’lib, uni bitta rahbar boshqaradi. Xodimlar o’rtasida majburiyatlar va javobgarlik ular uchun mustaqillik va tashabbus ko’rsatishning eng ko’p imkoniyatlarini ta’minlaydigan qilib taqsimlanadi.

Har bir bo’limda barcha xodimlarning vazifalari, javobgarligi va huquqi ma’lum tamoyillarga amal qilingan holda aniq belgilanadi. SHunga binoan, har bir xodimga majburiyat, huquq va javobgarlik yozma tarzda aniqlashtiriladi. Bu esa xodimlarni bir-birlarining ishiga aralashishdan holi qiladi.

Nizomga binoan odatdagi sharoitlarda rahbar faqat bevosita bo’ysunuvchilargagina farmoyish beradi. Boshqa bo’ysunuvchilarga farmoyish faqat ularning bevosita rahbarlari orqali beriladi. Masalan, tsex boshlig’i formal jihatdan xizmat bo’yicha o’zidan past turgan barcha xodimlarga buyruq berish huquqiga ega. Biroq u bevosita rahbarlarni chetlab buyruq berganda, bu hol:

• tashkiliy parokandalikka olib keladi;

• intizomga salbiy ta’sir ko’rsatadi;

• ko’ngilsiz sotsial oqibatlarni keltirib chiqaradi.

Ba’zan rahbarlar o’rtasida bir-birining ishiga aralashish hollari ro’y beradi. Bunday harakat ham rahbarlar orasida ma’lum norozilikni keltirib chiqaradi.

Boshqarish jarayonidagi oxirgi bosqich — bu qabul qilingan qarorlar ijrosini nazorat qilish.

Nazorat – bu qayta (javob) aloqa shakli hisoblanib, yuqori boshqaruv organi tomonidan chiqarilgan buyruq, farmoyish va belgilangan rejalarning joylarda bajarilish darajasi to’g’risidagi ma’lumotni aniqlash usuli.

Haqiqiy holatni bilmasdan va dalillarni tekshirmasdan turib, to’g’ri va oqilona rahbarlik qilib bo’lmaydi. Quyi bo’g’inlarni boshqarishda asosan hisobga olishning tezkor va buxgalteriya hisobi turlaridan foydalaniladi.

YAxshi yo’lga qo’yilgan hisobga olish samarali qarorlar ishlab chiqish, ularning bajarilishini kuzatib borish imkonini beradi. Hisobga olishdagi chalkashlik, odatda ishlab chiqarishni boshqarish ahvolning yomonligidan va katta kamchiliklar mavjudligidan dalolat beradi.