11-Мавзу: Болалар ёшида учрайдиган тиш каттик тукималари нокариес наслдан –наслга берилиувчи ирсий касалликлари. Таснифи ва ташхиси давоси Маьрузани укитиш технологияси Маъруза режаси

Ирсий тугалланмаган амелогенез(ИТА)
Бу жуда камдан-кам учрайдиган, фан тамонидан деярли ўрганилмаган тиш эмал тўқимасининг ривожланиш нуқсони бўлиб, унинг бир неча хил клиник шакллари, хар хил клиник кўриниши ва авлоддан авлодга хар хил йўл билан берилиши фарқланади. Мазкур нуқсонни пайдо бўлиш сабаблари асосида эмбрион эктодермал варағидаги наслий ривожланмай қолган сохалар юзага келиши ётади. ИТА алохида мустақил нуқсон сифатида, баъзан эса қўшма синдромлар ва хромосом касаллигининг клиник белгиси сифатида хам юзага келиши мумкин. Тиш эмал тўқимасининг ушбу нуқсонида эмалнинг ранги ўзгаради, у юпқалашади, тиш тож қисми ўлчамлари кичраяди. Тиш тож қисмида чуқурчалар, овал кемтиклар ва эгатчалар кузатилади. Бу хил клиник белгилар ва нуқсонлар эстетик камчилик сифатида бемор болалар томонидан қайд этилиб, шикоятлар пайдо бўлади. Ирсий тугалланмаган амелогенезни у ёки бу хил клиник кўринишларда намоён бўлишига ривожланаётган эмал матрицасидаги бузилишлар сабаб бўлади. ИТАнинг гипопластик турининг келиб чиқиши эмал матрицасидаги шаклланишнинг бузилиши билан боғлиқлиги этироф қилинади; гипоматурацияли тури эса матрицанинг меъёрий етилишининг бузилиши билан боғлиқ; гипоминераллашган тури- матрицанинг минерал тузларга тўйинишининг бузилиши оқибатида юзага келиши тахмин қилинади. Касалликни клиник кўринишлари унинг турига, қайси йўл билан ирсий берилганлигига, клиник кечишига бевосита боғлиқ бўлади. Мазкур эмал нуқсони 3 хил ирсий йўл билан берилиши (аутосом-доминант, аутосом-рецессив, Х-ёпишган доминант ёки рецессив) мумкинлигини, 3 хил клиник шакли (гипопластик, гипоматурацияли, гипоминераллашган), 12 хил клиник кўринишини назарда тутсак, ушбу эмал нуқсонини қанчалик даражада хилма-хиллигини тасаввур этишимизга тўғри келади.
ИТАнинг ғоятда хилма-хил шакли, тури ва клиник намоён бўлиши шифокордан жуда эхтиёткорлик ва этибор билан беморни кўрикдан ўтказиб текширишни тақозо қилади. Шифокорлар мазкур касалликнинг хар бир шакли, тури ўзига хос клиник белгиларга эга эканлигини яхши билиб, уларни ажрата олиши керак.