11-Мавзу: Болалар ёшида учрайдиган тиш каттик тукималари нокариес наслдан –наслга берилиувчи ирсий касалликлари. Таснифи ва ташхиси давоси Маьрузани укитиш технологияси Маъруза режаси

Ёпишган Х-занжирли ресессив гипоматурацияли йўл-йўл фақат аёлларда учрайдиган ИТА.
Тишлар тож қисмида асосан уларнинг вестибуляр юзасида, бир хил номли тишларда хар хил узунликдаги йул-йул шакилли эмал ўзгаришлари кузатилади. Улар сони бир хил бўлмайди, бир тишда кўпроқ, иккинчисида озроқ, уларнинг жойлашувида хам симметрик холатни кўрмаймиз. Йулларнинг эмали хар хил тусда-Баъзилари одатдагидек тиниқ, баъзилари хира, бўрсимон оқ, оч-сариқ ёки оч-жигарранг тисда бўлади. Тишлар тож қисми эмали силлиқ, эмал қалинлиги бузилмаган. Эмал қаттиқлигини бироз йуқотган. Вақт ўтиши билан чайнов тишлар юзасида ёриқлар, эмалнинг синиб, бўлакларга ажралиши кузатилади. Бу хол ўз навбатида тишларнинг патологик сийқаланишига ва тишлар гиперестезиясига сабаб бўлади. Бу хасталик сут тишларида хам, доимий тишларда хам учрайди.
ИТАнинг гипоминераллашган 2 хил клиник шакли кузатилади.


Аутосом-доминант тўлиқ минераллашмаган ИТА.
Мазкур хасталикда дастлаб тиш тож қисми эмали силлиқ, қалинлиги бузилмаган, ранги оқ-бўрсимондан оч-жигарранг тусгача, тишлар орасида тремалар мавжуд эмас. Эмал қаватида зонд юритилганда унинг зичлигини пасайганлигини, зонд ботиб кириши мумкин сохалари мавжудлигини, ёки бўлмаса екскаватор ёрдамида эмални дентиндан кўчириш мумкинлиги гувохи бўламиз. Вақт ўтиши билан эмал ранги тўқ жигаррангга айлана бошлайди, эмалда ёриқлар, эмал кўчиши, кучли патологик сийқаланиши, айрим холларда эмал кўчиши гиперестезияга олиб келганлигини кузатамиз. Бу хасталик билан сут хам доимий тишлар касалланади.


Аутосом-ресессив тўлиқ минераллашмаган ИТА.
Тишлар чиққан дастлабки даврларда тиш тож қисми эмали силлиқ, одатдаги қалинликда, зичлиги анча пасайган, зонд ботирганда унинг санчилиши мумкинлиги аниқланади. Эмал экскаватор ёрдамида дентиндан осон кўчади. Тишлар орасида тремалар йуқ. Тез орада эмал тўқ тусга кириб, унда ёриқлар хосил бўла бошлайди, синиб дентиндан ажрала бошлайди. Кучли патологик сийқаланиш, гиперестезияга ва эмал тўқимасининг қовжираб ажралиб тушишига олиб келади. Бу эса ўз навбатида тезда тремалар хосил бўлиши ва дентин тўқимасини очилиб қолишига сабаб бўлади. Эмал тўқимаси фақатгина тишлар бўйин сохасидагина сақланиб қолади.