11. Flavanoidlar ub spektri natri atsetat ishtirokida olinganda halqaning qaysi holatidagi gidroksil guruhi bataxrom siljishga uchraydi?

20. IQ-spektroskopiyaning fizik asoslari.
Молекула доим тебранади: унинг боғлари чўзилади (ва қисқаради), ундан ташқари бир-бирига нисбатан эгилади. Молекулалар тебранишларининг ўзгариши, кўринувчан спектрнинг қизил соҳасидан ташқарисида ѐтадиган инфрақизил соҳада ютилишни келтириб чиқаради. Инфрақизил соҳада ютилиш ҳолатини кўрсатиш учун герцда эмас, тўлқин сонида (см^-1) ифодаланадиган частотадан фойдаланилади. Тўлқин сони ва энергия ўзаро қуйидаги нисбатлар билан боғланган: 1 см^–1 = 2,858 кал/моль =1,986·10^–16 эрг/молекула =1,24 · 10^–4 эВ/моль. Тўлқин сони – бу 1 см га сиғадиган тўлқинлар сони (бу сантиметрда берилган тўлқин узунлигига тескари бўлган катталик). Асосий ва қўзғалган ҳолатлардаги молекула квантланган дискрет энергетик поғоналар тўпламига эга. Асосий ва қўзғалган қаватлар энергияларининг энг катта фарқи электрон ҳолатлар учун мос келади. Молекуладаги тебранишлар (боғларнинг чўзилиши-қисқариши, улар орасидаги бурчакларнинг ўзгариши) ни хар хил турларида тебранма қаватлар ѐтади. Битта электрон поғона чегарасида энергияси кичик бўлган тебранма поғоналар ўртасидаги ўтишлар инфрақизил соҳада нурланиш ютилиши натижасида содир бўлади ва инфрақизил спектроскопия усулида ўрганилади. Кўп атомли молекулада барча ядролар мураккаб айланма харакатлар бажаради. Бундай молекуланинг потенциал энергиясини боғлар ва валент бурчакларнинг потенциал энергияларининг йиғиндиси кўринишида ва гармоник яқинлашувда боғларнинг мустаҳкамлигини, валент бурчакларни характерлайдиган ва уларни таъсирлашувларини инобатга оладиган кучли доимийлар тўплами билан тасвирлаш мумкин. Кўп атомли молекуланинг мураккаб тебранма харакатини нормал тебранишлар кўринишида тасвирлаш мумкин, чунки молекуланинг барча ядролари бир хил частота ва фаза билан тебранади. Нормал тебранишларни атомларнинг боғ ўқлари бўйича харакатланишини характерлайдиган валент ва боғ узунлиги ўзгармай, валент бурчаклар ўзгарадиган деформацион тебранишларга бўлиш мумкин. Валент тебранишларнинг частоталари деформацион тебранишларнинг частоталаридан анча катта. Ядроларнинг тебранма харакатларини қўзғалиши вақтида дипол моментлари ўзгарадиган молекулалар инфрақизил соҳада ютилишга эга.